मुंबई : आज देशभरात राखी पौर्णिमेचा सन साजरा करण्यात येणार आहे. या दिवशी बहिणी आपल्या भावांना राखी बांधून आपली रक्षा करण्याचा वचन भावाकडून घेत असतात. राष्ट्रवादी काँग्रेसच्या खासदार सुप्रिया सुळे यांनीही आजचा खास क्षण साजरा केला आहे. सुप्रिया सुळे यांनीही आपल्या भावाला राखी बांधून आजचं रक्षाबंधन साजरं केलं आहे. सुप्रिया सुळे यांनी याचा एक व्हिडिओदेखील सोशल मीडियावर शेअर केला आहे. त्यांनी ट्वीट करून रक्षाबंधनाचा व्हिडिओ शेअर केला असून कॅप्शनमध्ये सगळ्यांना राखी बंधनाच्या शुभेच्छाही दिल्या आहे. सुप्रिया सुळे यांनी ट्वीटमध्ये लिहलं की, 'राखीचा धागा भाऊ-बहिणीला एका नात्यामध्ये घट्ट बांधून ठेवतो. नात्यांची वीण आणखी मजबूत करणाऱ्या या सणाच्या निमित्ताने माझे बंधू रणजीतदादा पवार यांना राखी बांधली. सर्वांना रक्षा बंधनाच्या हार्दिक शुभेच्छा.'
