म. टा. प्रतिनिधी, पुणे दुचाकीच्या नंबरप्लेटवर चिखल लावून बंद फ्लॅटची रेकी करून घरफोड्या करणाऱ्या सख्या भावांना गुन्हे शाखेच्या पोलिसांनी अटक केली आहे. त्यांच्याकडून घरफोडीचे सात गुन्हे उघडकीस आणत नऊ लाख ४० हजार रूपयांचा मुद्देमाल जप्त करण्यात आला आहे. ( for ) युवराज अर्जुन डोणे (वय २६) आणि अविनाश अर्जुन डोणे (वय २१, रा. मिरजगांव, कवडेवस्ती, ता. कर्जत) अशी अटक केलेल्यांची नावे आहेत. हे दोघेही बारामती, अहमदनगर, श्रीगोंदा या पोलिस ठाण्यात दाखल असलेल्या दहा घरफोडीच्या गुन्ह्यात फरार होते. या दोघांच्या ताब्यातून दोनशे ग्रॅम सोन्याचे दागिने, दुचाकी, कटावणी, चाव्यांचा जुडगा असा नऊ लाख ४० हजार रूपयांचा ऐवज जप्त केला आहे. पूर्वी त्यांना पुणे ग्रामीण पोलिसांनी अटक केली होती. कारागृहातून बाहेर आल्यानंतर त्यांनी पुन्हा घरफोड्या सुरू केल्या होत्या, अशी माहिती वरिष्ठ निरीक्षक क्रांतीकुमार पाटील यांनी दिली. क्लिक करा आणि वाचा- शहरात घरफोडीचे गुन्हे वाढत असल्यामुळे गुन्हे शाखा युनिट दोनकडून भारती विद्यापीठ पोलिस ठाण्याच्या हद्दीत गस्त सुरू होती. त्यावेळी पोलिस कर्मचारी गजानन सोनुले यांना बातमीदारामार्फत माहिती मिळाली, की घरफोडीच्या गुन्ह्यातील दोन व्यक्ती कात्रज परिसरात येणार आहेत. त्यानुसार वरिष्ठ निरीक्षक क्रांतीकुमार पाटील यांच्या मार्गदर्शनाखाली सहायक निरीक्षक वैशाली भोसले, संजय जाधव, उत्तम तारू, कादीर शेख मितेश चोरमाले यांच्या पथकाने शेलार मळा परिसरातून दोघांना अटक केली. त्यांच्याकडे सखोल चौकशी केल्यानंतर पंधरा दिवसांपूर्वी त्यांनी भारती विद्यापीठ पोलिस ठाण्याच्या हद्दीत घरफोडी केल्याचे सांगितले. क्लिक करा आणि वाचा- त्यांच्याकडे अधिक तपास केल्यानंतर त्यांनी भारती विद्यापीठ पोलिस ठाण्याच्या हद्दीत चार, लोणीकंद, अलंकार, नारयाणगाव या पोलिस ठाण्याच्या हद्दीत प्रत्येकी एक घरफोडी केल्याचे समोर आले. आरोपी हे अगोदर दुचाकीच्या नंबर प्लेटवर चिखल लावून फिरत असत. बंद फ्लॅटची पाहणी करून नंबत बनावट चावी अथवा कटावणीने फ्लॅटचा कोयंडा तोडून घरफोड्या करत असल्याचे समोर आले आहे. क्लिक करा आणि वाचा- सराफाला अटक घरफोड्या केल्यानंतर मिळालेले सोने खरेदी करणारा निलेश कुंदनमल झाडमुथ्था (वय ३८, रा.डोंगरगण, ता. अष्टी) याला अटक केली आहे. मिळालेल्या पैशातून मौजमजा करत होते.
