टोकियो: टोकियो ऑलिम्पिकमध्ये बॉक्सिंगमध्ये ९१ किलो वजनी गटात भारताच्या सतीश कुमारचा उपांत्यपूर्व फेरीत उझबेकिस्तानच्या जालोलोव बाखोदीरने पराभव केला. या पराभवामुळे भारताचे बॉक्सिंगमधील पुरुष गटातील आव्हान संपुष्ठात आले. वाचा- पुरुषांच्या सुपर हेवी गटात ऑलिम्पिकसाठी पात्र ठरलेला सतीश हा पहिला भारतीय बॉक्सस होता. उपांत्यपूर्व फेरीत पोहोचून त्याने इतिहास घडवाल होता. पण विद्यमान वर्ल्ड आणि आशियाई चॅम्पियन जालोलोव बाखोदीरने त्याचा पराभव केला. तिनही राउंडमध्ये सतीशचा पराभव झाला. या पराभवानंतर देखील संपूर्ण देश सतीशचे कौतुक करत आहे. वाचा- या लढती आधी सतीश जखमी झाला होता. त्यामुळे तो आज लढत खेळणार की नाही याबद्दल शंका होती. जमैकाच्या रिकार्डो ब्राउन विरुद्ध झालेल्या सामन्यात सतीशच्या डाव्या बाजूच्या डोळ्याला आणि हनवटीला दुखापत झाली होती. या दुखापतीनंतर त्याला सात टाके लावले गेले होते. अशा गंभीर दुखापतीनंतर देखील सतीश मैदानावर उतरला आणि वर्ल्ड चॅम्पियन खेळाडूसमोर शरणागती पत्करली नाही. सामन्यात एका क्षणी सतीशला अशा ठिकाणी पंच बसला जिथे त्याला टाके लागले होते. तेथून रक्त येत होते. वाचा- सोशल मीडियावर सर्वजण सतीशचे कौतुक करत आहेत. इतक नव्हे तर जालोलोव देखील सतीशच्या या धाडसाचे कौतुक केले. सतीशने दाखवलेल्या खेळ भावनामुळे तो स्टार झाला. वाचा- बॉक्सिंगमध्ये भारताची आता अखेरची आशा आहे ती महिला बॉक्सर लव्हलिन बोर्गोहेनकडून आहे. ती उपांत्य फेरीत पोहोचली असून भारताचे एक पदक निश्चित झाले आहे. लव्हलिनने आणखी एक सामना जिंकल्याच तिचे रौप्यपदक निश्चित होईल.
