लंडन: भारत आणि इंग्लंड यांच्यात लॉर्ड्स मैदानावर ५ सामन्यांच्या मालिकेतील दुसरी कसोटी (India vs England 2nd Test) सुरू आहे. सामन्याच्या चौथ्या दिवसाचा खेळ संपला तेव्हा भारताने ६ बाद १८१ धावा केल्या आहेत. भारताकडे १५४ धावांची आघाडी आहे. अशात पाचवा आणि अखेरचा दिवस दोन्ही संघांसाठी अतिशय महत्त्वाचा आहे. वाचा- भारताकडून सध्या विकेटकीपर ऋषभ पंत (Rishabh Pant) आणि इशांत शर्मा (Ishant Sharma) फलंदाजी करत आहेत. पंतने २९ चेंडूत १४ तर शर्माने १० चेंडूत ४ धावा केल्या आहेत. भारतीय संघाची इच्छा असेल की या दोन्ही खेळाडूंनी मैदानावर अधिक वेळ थांबावे ज्यामुळे भारताला सामना ड्रॉ करता येईल. वाचा- चौथ्या दिवशी भारताने सहा गडी गमावले. सलामीवीर केएल राहुल ५, २१, विराट कोहली २०, चेतेश्वर पुजारा ४५, अजिंक्य रहाणे ६१ आणि रविंद्र जडेजा ३ धावांवर बाद झाले. चौथ्या दिवसाचा खेळ खराब प्रकाशामुळे थांबवण्यात आला. खराब प्रकाश असताना पंत आणि इशांत शर्मा फलंदाजी करत होते. हे पाहून विराट कोहली ड्रेसिंग रूमच्या बाल्कनीतून पंत आणि इशांतला इशारा देत होता. बराच वेळ झाला तरी विराटच्या सांगण्याकडे कोणीच लक्ष देत नसल्याचे पाहून तो भडकला. वाचा- वाचा- विराट इशाऱ्याने पंत आणि इशांतला अंपायर्ससोबत बोलण्यास सांगत होता. विराटच्या मागे रोहित शर्मा देखील होता. विराटसोबत ते देखील हाताने मैदानावरील दोघा फलंदाजांना इशाऱ्याने सांगण्याचा प्रयत्न करत होता. या घटनेचा व्हिडिओ सोशल मीडियावर व्हायरल होत आहे. विराट आणि रोहित शर्मा यांच्या इशाऱ्यानंतर अखेर अंपायर्सनी चौथ्या दिवसाचा खेळ थांबवला. त्याआधी दुसऱ्या डावात भारताची अवस्था ३ बाद ५५ अशी झाली होती. तेव्हा अजिंक्य रहाणे आणि चेतेश्वर पुजार यांनी चौथ्या विकेटसाठी शतकी भागिदारी केली. पुजाराने २०६ चेंडूत ४५ तर अजिंक्यने १४६ चेंडूत ६१ धावा केल्या.
