मुंबई : देशभरात आज सलग १७ व्या दिवशी पेट्रोलियम कंपन्यांकडून पेट्रोल आणि डिझेल दरात कोणताही बदल करण्यात आलेला नाही. दोन्ही इंधन दर सलग दोन आठवडे स्थिर आहेत. जागतिक कमॉडिटी बाजारात कच्च्या तेलाच्या किमतीत वाढ होत असल्याने कंपन्यांवरील दबाव वाढला आहे. आज बुधवारी मुंबईत एक लीटर पेट्रोलचा भाव १०७.२६ रुपये आहे. दिल्लीत पेट्रोल १०१.१९ रुपये आहे. चेन्नईत पेट्रोलचा भाव ९८.९६ रुपये इतका आहे. कोलकात्यात एक लीटर पेट्रोल १०१.६२ रुपये झाला आहे. भोपाळमध्ये साध्या पेट्रोलचा भाव १०९.६३ रुपयांपर्यंत खाली आला आहे. बंगळुरात पेट्रोल १०४.७० रुपये झाले आहे. आज मुंबईत एक लीटर डिझेलचा भाव ९६.१९ रुपये आहे. दिल्लीत डिझेल ८८.६२ रुपये झाला आहे. चेन्नईत ९३.२६ रुपये आणि कोलकात्यात डिझेलचा भाव ९१.७१ रुपये प्रती लीटर इतका आहे. भोपाळमध्ये डिझेलचा भाव ९७.४३ रुपये असून बंगळुरात डिझेल ९४.०४ रुपये आहे. दरम्यान, जागतिक कमॉडिटी बाजारात कच्च्या तेलातील तेजी कायम आहे. अमेरिकेत मंगळवारी बाजार बंद होताना ब्रेंट क्रूडचा भाव ७४.३६ डॉलर प्रती बॅरलवर स्थिरावला. त्यात ०.४४ डॉलरची वाढ झाली. डब्ल्यूटीआय क्रूडचा भाव ७०.५६ डॉलर झाला. त्यात १.२७ डॉलरची वाढ झाली. अमेरिकेत चक्री वादळानंतर झालेल्या नुकसानीने तेल विहिरींना फटका बसला आहे. अजूनही तेथील कच्च्या तेलाचे उत्पादन पूर्ववत झालेले नाही. १७ सप्टेंबरच्या आकडेवारीनुसार अमेरिकेत ५.४३७ दशलक्ष बॅरलचा तेल साठा आहे.
