दुबई: आयपीएलच्या १४व्या हंगामातील दुसऱ्या सत्रातील पहिला थरारक सामना काल (मंगळवारी) पाहायला मिळाली. अखेरच्या षटकापर्यंत झालेल्या या लढतीत राजस्थान रॉयल्सने पंजाब किंग्जवर २ धावांनी विजय मिळवला. श्वास रोखून लावणाऱ्या या सामन्यात संजू सॅमसनच्या नेतृत्वाखाली खेळणाऱ्या राजस्थान रॉयल्सने बाजी मारली असली तरी या सामन्यानंतर त्याला दंड करण्यात आला. वाचा- संजू सॅमसनला स्लो ओव्हर रेटमुळे दंड करण्यात आला असून त्याला १२ लाख रुपये इतका मोठा दंड द्यावा लागणार आहे. आयपीएलच्या नियमानुसार ९० मिनिटात २० षटके पूर्ण करावी लागतात. यामध्ये दोन स्ट्रॅटेजिक टाइम आउटचा समावेश असतो. हा हंगामात राजस्थानकडून अशा प्रकारची झालेली ही पहिली चूक आहे त्यामुळे फक्त १२ लाख रुपयांचा दंड करण्यात आलाय. जर ही चूक पुन्हा केली तर दंडाची रक्कम १२ वरून २४ लाख इतकी होईल. वाचा- इतक नाही तर जर आणखी एका सामन्यात संजूला ओव्हर नियमीत वेळेत पूर्ण करता आले नाही तर त्याच्यावर एका सामन्याची बंदी घातली जाऊ शकते. या बंदी सोबत त्याला २४ च्या ऐवजी ३० लाख रुपयांचा दंड द्यावा लागू शकतो. स्लो ओव्हर रेटची जबाबदारी एकट्या कर्णधाराची नसते त्यामुळे संपूर्ण संघावर दंड केला जाऊ शकते. राजस्थान रॉयल्सकडून पुन्हा अशी चूक झाली तर संघातील प्रत्येक खेळाडूला ६ लाख रुपये इतका दंड केला जाऊ शकतो. जर अशीच चूक तिसऱ्यांदा केली तर मॅच फीच्या ५० टक्के म्हणजेच १२ लाख इतका दंड केला जाऊ शकतो. वाचा- राजस्थानने प्रथम फलंदाजी करत पंजाबपुढे १८६ धावांचे लक्ष्य ठेवले होते. पंजाब विजयाच्या दिशने जात होता. अंतिम षटकात त्यांना विजयासाठी फक्त ४ धावा हव्या होत्या. इतक नव्हे तर त्यांच्याकडे आठ विकेट शिल्लक होत्या. पण युवा जलद गोलंदाज कार्तिक त्यागीने शानदार कामगिरी केली. त्याने फक्त एक धाव दिली आणि संघाला थरारक विजय मिळून दिला. या विजयामुळे राजस्थान संघ गुणतक्त्यात पाचव्या स्थानावर तर पंजाब सातव्या स्थानावर गेला आहे.
