मुंबई : म्युच्युअल फंडातील सामान्य गुंतवणूकदारांचा लोकप्रिय प्रकार असलेल्या ''द्वारे (नियोजनबद्ध गुंतवणूक योजना) काही वर्षाकाठी कोट्यवधींची रक्कम जमा करता येऊ शकते. विविध फंडांपैकी अशा पाच म्युच्युअल फंडात महिन्याला २२,००० रुपये गुंतवल्यानंतर १० वर्षात एक कोटी रुपयांची गलेलठ्ठ रक्कम हाताशी येऊ शकते. म्युच्युअल फंडाच्या एसआयपीद्वारे दर महिन्याला १५,००० रुपये १५ वर्षांसाठी जमा केल्यास निश्चित कालावधीअखेर १ कोटी रुपये गुंतवणूकदाराच्या हाताशी येऊ शकतात. टक्केवारीबाबत तो वर्षाला १५ टक्के परतावा ठरतो. २७८ इक्विटी फंडांच्या आकडेवारीनुसार, गेल्या १० वर्षात निम्म्या फंडांनी १५ टक्क्यांपेक्षा अधिक रिटर्न गुंतवणूकदारांना दिले आहेत. याचाच अर्थ करोडपती बनण्यासाठी तुम्हाला १५ वर्षे वाट पाहण्याची गरज नाही. तुम्ही जर महिन्याला ७,००० रुपये गुंतवणूक रक्कम वाढवली तर तुम्ही १० वर्षातच करोडपती होऊ शकतो. आघाडीच्या पाच म्युच्युअल फंड कंपन्यांनी गेल्या दहा वर्षात वार्षिक सरासरी २५ टक्क्यांहून अधिक परतावा गुंतवणूकदारांना दिला आहे. नियोजनबद्ध गुंतवणुकीचा पर्याय एकूणच सर्व म्युच्युअल फंड कंपन्यांकडून प्राधान्याने सांगितला जातो. गुंतवणूकदारांनाही हा पर्याय अधिक परताव्याचा तसेच सुलभ व शिस्तबद्ध गुंतवणुकीचा वाटतो.
महिन्याच्या २२,००० रुपयांद्वारे एका दशकातच करोपडपती करणारे हे आहेत पाच म्युच्युअल फंड :
| फंड |
१० वर्षातील परतावा (टक्क्यांमध्ये) |
| आयसीआय. प्रु. टेक्नो. |
+२७.५३ |
| मोतीलाल ओसवाल नॅसडॅक १०० ईटीएफ |
+२७.५३ |
| आदित्य बिर्ला सनलाईफ डिजिटल इंडिया |
+२६.३६ |
| एसबीआय स्माॅल कॅप |
+२६.२५ |
| निप्पॅन इंडिया स्माॅल कॅप |
+२५.७२ |
