वॉशिंग्टन, : करोना विषाणूचं दक्षिण आफ्रिकेत पहिल्यांदा आढळून आलेला '' हा व्हेरियंट जगभरात हातपाय पसरताना दिसून येतोय. अमेरिकेत पहिला 'ओमिक्रॉन'बाधित रुग्ण आढळून आल्यानं खळबळ उडाली आहे. कॅलिफोर्नियात राहणारा एक व्यक्ती 'ओमिक्रॉन' व्हेरियंटनं बाधित असल्याचं करोना चाचणीतून स्पष्ट झालंय. राष्ट्राध्यक्ष भवन 'व्हाइट हाऊस'कडून बुधवार ही माहिती देण्यात आलीय. जगभरातील शास्त्रज्ञ आता करोनाच्या 'ओमिक्रॉन' स्वरुपाच्या अभ्यासात गर्क झाले आहेत. विषाणूचे हे स्वरुप कितपत धोकादायक ठरू शकतं, याचा अभ्यास ते करत आहेत. अमेरिकेचे राष्ट्राध्यक्ष जो बायडेन प्रशासनानं गेल्या महिन्याच्या अखेरीस दक्षिण आफ्रिकन देशांमधून प्रवासावर बंदी जाहीर केली होती. सर्वप्रथम दक्षिण आफ्रिकेत सापडलेला 'ओमिक्रआतापर्यंत २४ हून अधिक देशांमध्ये पसरला आहे. अमेरिकेतील ज्येष्ठ संसर्गजन्य रोग तज्ज्ञ डॉ. अँथनी फाउची यांनी 'व्हाईट हाऊस'मध्ये दिलेल्या माहितीनुसार, अमेरिकेत कोविड-१९ च्या 'ओमिक्रॉन' व्हेरियंटचा संसर्ग होण्याची ही पहिलीच घटना आहे. संक्रमित व्यक्ती २२ नोव्हेंबर रोजी दक्षिण आफ्रिकेतून परतली होती आणि २९ नोव्हेंबर रोजी त्याची करोना चाचणी पॉझिटिव्ह आढळली होती. चाचणीत तो ओमिक्रॉनबाधित रुग्ण असल्याचं समोर आलं. फाऊची यांच्या म्हणण्यानुसार, ओमिक्रॉनबाधित व्यक्तीचं लसीकरण पूर्ण झालेलं आहे. मात्र, लसीचा बुस्टर डोस या व्यक्तीनं घेतलेला नाही. रुग्णात अगदी किरकोळ लक्षणं दिसून आली. रोग नियंत्रण आणि प्रतिबंध केंद्राकडून परदेशी प्रवाशांची चाचणी करण्यासाठी आणखीन कडक नियम बनवण्याची तयारी करत आहेत. 'ओमिक्रॉन' व्हेरियंटबद्दल येत्या दोन ते चार आठवड्यांत अधिक माहिती उपलब्ध होऊ शकेल. अनेक तज्ज्ञ याबद्दल अभ्यास करत आहेत, अशी आशाही फाऊची यांनी व्यक्त केली.
