ठाणे : वादग्रस्त वक्तव्यांमुळे अडचणीत सापडलेली () हिच्या अ‍ॅट्रोसिटी प्रकरणातील जामीन अर्जावर ठाणे न्यायालयात युक्तिवाद पार पडला. यावेळी केतकीच्या वकिलांनी युक्तिवाद करत केतकीला जामीन मंजूर व्हावा यासाठी युक्तिवाद केला मात्र. या प्रकरणावर सर्व युक्तिवाद झाल्यानंतर ठाणे न्यायालयाने पुढील सुनावणीसाठी १६ जून ही तारीख दिली आहे. त्यामुळे आता या सुनावणीडे सर्वांचे लक्ष लागले आहे. (actress ketki chitales bail application in to be heard on june 16) अभिनेत्री केतकी चितळे हिच्या अ‍ॅट्रोसिटीअंतर्गत दाखल असलेल्या प्रकरणावर आज ठाणे न्यायालयात युक्तिवाद करण्यात आला. केतकी चितळे हिचे वकील योगेश देशपांडे आणि विरोधी सरकारी वकील अमित कटारणवरे यांच्यात युक्तिवाद झाला. या प्रकरणी युक्तिवाद सुरु असताना केतकी चितळे यांच्या वकिलाने केतकी चितळे यांना या प्रकरणावर जामीन मंजूर व्हावा यासाठी युक्तिवाद केला. क्लिक करा आणि वाचा- या दरम्यान वकील योगेश देशपांडे यांनी या अ‍ॅट्रोसिटीच्या गुन्ह्यामध्ये लगावण्यात आलेले कलम योग्य नसल्याचा युक्तिवाद केला. मागच्या वर्षी डिसेंबरमध्ये पोलिसांनी आरोपपत्र दाखल करण्याची परवानगी मागितली होती. त्यानंतर फेब्रुवारीमध्ये आरोपपत्र दाखल करण्याची परवानगी मागितली होती. त्यानंतर केतकीला अटक करण्यात आली होती. म्हणजे मागच्या वर्षी जबाब लिहून घेतला, नंतर आरोपपत्र तयार झाले आणि त्यानंतर मे महिन्यामध्ये अटक झाली. अटक केल्यानंतर ५ दिवसानंतर आरोपपत्र दाखल करण्यात आले. हे सगळे मुद्दे आज केतकीच्या वकिलांनी न्यायालयात युक्तीवादा दरम्यान मांडले. आजचा हा युक्तिवाद पार पडल्यानंतर ठाणे न्यायालयाने या प्रकरणावर १६ जून रोजी पुढील सुनावणी होणार असल्याचे आदेश दिले आहेत. क्लिक करा आणि वाचा- युक्तिवादात सरकारी वकिलांनी काय बाजू मांडली ठाणे न्यायालयात केतकी चितळे हिच्या अ‍ॅक्ट्रोसिटीच्या जामीन अर्जावर ठाणे न्यायालयात झालेल्या युक्तिवादादरम्यान सरकारी वकील अमित कटारणवरे यांनी आपली बाजू मांडली. एससी, एसटी, बौद्ध, नवबौद्धांविषयी जी पोस्ट केल्यानंतर केतकी हिने या प्रकरणी अटकपूर्व जामीन अर्ज दाखल केला होता. मात्र न्यायालयाने तो अटक पूर्व जामीन फेटाळला होता. हा अटक पूर्व जामीन फेटाळल्या नंतर देखील केतकी चितळे हिने राष्ट्रवादी पक्ष प्रमुख शरद पवार यांच्याविरोधात पोस्ट केली. त्यामुळे केतकी चितळे ही कट रचून जाणीवपूर्वक अशा प्रकारच्या पोस्ट करून चर्चेत येण्यासाठी प्रयत्न करत आहे. कोणाच्या तरी सांगण्यावरून केतकी चितळे हिने ही पोस्ट केली, असा युक्तिवाद सरकारी वकिलांनी केला. क्लिक करा आणि वाचा- केतकी चितळे हिला कायद्याची कुठलीही भीती राहिलेली नाही. त्यामुळे कायद्याने अशा प्रवृत्तीला वेळेवर आळा घातला पाहिजे आणि तिचा जामीन अर्ज फेटाळावा असा युक्तिवाद सरकारी वकिलांनी न्यायालयात केला. तसेच हायकोर्टातून देखील केतकीला दिलासा मिळाला नाही त्यामुळे जर जिल्हा न्यायालयाने तिला दिलासा दिला तर उच्च न्यायालयाचा अवामान होईल अशी बाजू मांडली असून त्यावर आता १६ जून रोजी पुढची तारीख दिली असल्याचे सरकारी वकिलांनी सांगितले.
