मुंबई : गेली २८ वर्ष यांची 'सावली' बनून वावरलेले शिवसेनेचे सचिव () 'वेगळ्या' विचाराच्या तयारीत असल्याची चर्चा आहे. मिलिंद नार्वेकर लवकरच मुख्यमंत्री गटात प्रवेश करणार असल्याची शक्यता शिंदे गटातील मंत्री गुलाबराव पाटील यांनी बोलून दाखवली होती. दिवसभर यावरुन राजकारण ढवळून निघाल्यानंतर नार्वेकरांचं एक ट्वीट समोर आलं आहे. यामध्ये त्यांनी तीन फोटो शेअर केले असून त्यात त्यांच्यासोबत असलेल्या व्यक्ती लक्ष वेधून घेत आहेत. बाळासाहेबांचे सहकारी चंपासिंग थापा यांनी आम्हाला साथ द्यायचा निर्णय घेतलाय, आता 'त्यांचे' (उद्धव ठाकरे) सहकारीही आपल्याकडे येणार आहेत, अशी वार्ता सांगून गुलाबराव पाटलांनी राजकीय वर्तुळात बॉम्ब फोडला आहे. या सगळ्या घडामोडींनंतर उलट सुलट चर्चांना सुरुवात झाली आहे. अशातच मिलिंद नार्वेकर यांचे एक ट्वीट समोर आले. यात त्यांनी तीन फोटो शेअर केले आहेत. "ब्रह्मोत्सवाच्या 5 व्या दिवशी मानाच्या गरुड वाहनाचे साक्षीदार होण्याचा बहुमान लाभला. भारताचे सरन्यायाधीश उदय लळीत जी, महाराष्ट्राचे महाधिवक्ता आशुतोष कुंभकोणी जी आणि तिरुपती देवस्थानाचे अध्यक्ष सुब्बारेड्डी यांच्यासह श्री व्यंकटेश्वर स्वामी मंदिरात" असं कॅप्शन त्यांनी दिलं आहे. हेही वाचा : नार्वेकर शिंदे गटात जाण्याच्या चर्चा का? एकनाथ शिंदे यांच्या बंडानंतर शिवसेनेत उभी फूट पडल्यानंतर शिवसेना सचिव मिलिंद नार्वेकर हे गेल्या काही दिवसांपासून फारसे सक्रिय नसल्याचं सांगितलं जातं. गेल्या दोन महिन्यात त्यांनी देवेंद्र फडणवीस, श्रीकांत शिंदे आणि मुख्यमंत्री एकनाथ शिंदे यांच्या भेटी घेतल्या आहेत. गणेशोत्सव काळात तर मुख्यमंत्री एकनाथ शिंदे यांनी नार्वेकरांच्या घरी जाऊन त्यांच्या बाप्पाचं दर्शन घेतलं. मिलिंद नार्वेकर यांच्या हालचाली गेल्या काही दिवसांपासून ठाकरेंना धडकी भरवणाऱ्याच मानल्या जात आहेत. दुसरीकडे मिलिंद नार्वेकर यांची 'मातोश्री'तील जागा रवी म्हात्रे यांनी घेतली असल्याचीही चर्चा आहे. एकंदरीत मिलिंद नार्वेकर यांच्या हालचाली आणि एकनाथ शिंदे यांच्याबरोबरचं मैत्रीचं नातं लक्षात घेता त्यांच्या शिंदे गटात प्रवेश करण्यासंबंधी अटकळ बांधली जात आहे. हेही वाचा :
