गुरुग्राम: दिल्ली-जयपूर महामार्गावरील गुरुग्राम येथे एक धक्कादायक घटना घडली आहे. येथे एका ठिकाणी एका बेवारस सुटकेसमध्ये एका अनोळखी महिलेचा नग्नावस्थेतील मृतदेह आढळून आला आहे. गुरुग्राम येथील इफ्को चौकाजवळ ही अज्ञात सुटकेस आढळून आल्याने एकच खळबळ माजली. सोमवारी दुपारच्या सुमारास ही घटना उघडकीस आली. पोलिसांनी हा मृतदेह ताब्यात घेऊन पोस्टमॉर्टमसाठी पाठवला आहे. गुरुग्रामचे पोलीस उपायुक्त (पश्चिम) दीपक सहारन यांनी सांगितले की, या प्रकरणी एफआयआर दाखल करण्यात आला असून ही महिला कोण आहे, तिची हत्या का आणि कोणी केली याचा तपास सुरु आहे. हेही वाचा - पोलिसांनी दिलेल्या माहितीनुसार, प्रथमदर्शनी असे दिसते की महिलेची हत्या करुन तिचा मृतदेह चालत्या वाहनातून फेकण्यात आला आहे. पोलिसांना सोमवारी दुपारी ४ वाजताच्या सुमारास एका ऑटोचालकाचा फोन आला, त्याने या बेवारस सूटकेसबाबत माहिती दिली. इफ्को चौकाजवळ रस्त्याच्या कडेला असलेल्या झुडपात एक संशयास्पद सुटकेस पडल्याचं या रिक्षाचालकाने पोलिसांना सांगितलं. त्यानंतर पोलिसांनी तात्काळ घटनास्थळ गाठलं. ही सुकेस उघडून पाहताच पोलिसांनाही घाम फुटला. या बेवारस सुटकेसमध्ये पोलिसांना एका महिलेचा मृतदेह आढळून आला. विशेष म्हणजे तिच्या शरीरावर एकही कपडा नव्हता. पोलिसांनी मृतदेह ताब्यात घेऊन शवविच्छेदनासाठी पाठवला आहे. हेही वाचा - पोलीस उपायुक्तांनी सांगितले की, ही महिला २०-२५ वर्ष वयोगटातील असल्याची शक्यता आहे. महिलेचा खून झाल्याचा संशय असून त्यानंतर मृतदेह येथे टाकण्यात आला असावा. गुरुग्रामच्या सेक्टर १८ पोलीस ठाण्यात अज्ञात आरोपीविरुद्ध खुनाचा गुन्हा दाखल करण्यात आला आहे. मृत महिलेची ओळख पटवण्याचे प्रयत्न सुरु आहेत. लवकरात लवकर आरोपींना अटक करण्यात येईल, असंही त्यांनी सांगितलं.
