सोलापूर: नववीत शिकणाऱ्या विद्यार्थिनीने राहत्या घरात गळफास घेऊन आत्महत्या केल्याची धक्कादायक घटना पुढे आली आहे. आईला अभ्यास करते असे सांगून तिने दार लावलं होतं. त्यानंतर बराच वेळ झाला तरी तिने दार उघडले नव्हते. शेवटी आईने तिला हाक दिली, प्रतिसाद मिळत नसल्याने तिने खिडकीतून डोकाऊन पाहिले. तेव्हा मुलीने नायलॉनच्या दोरीने छताच्या फॅनला गळफास घेतलेल्या अवस्थेत दिसून आली. हे दृश्य पाहून आईने हंबरडा फोडला. शेजाऱ्यांनी तात्काळ याबाबत पोलिसांना माहिती दिली आणि मुलीला शासकीय हॉस्पिटलमध्ये उपचारासाठी दाखल केले. तिथे डॉक्टरांनी तिला मृत घोषित केले. आई शेजाऱ्यांसोबत बोलत बसली अन् मुलीने केली आत्महत्या या मुलीने राहत्या घरात नॉयलॉन दोरीच्या सहाय्याने छताच्या फॅनला गळफास घेतला. ही घटना शनिवारी रात्रीच्या सुमारास घडली. घटनेच्यावेळी आई ही घरातच होती. स्वयंपाक करून आईने मुलीला जेवायला सांगितले होते. मुलगी म्हणाली अभ्यास करायचा आहे आणि तिने खोलीचे दार आतून लावून घेतले. आई ही बाहेरच शेजाऱ्यांशी बोलत बसली होती. त्यावेळी मुलीने खोलीत गळफास घेतला. ही घटना कळताच आई-वडिलांना काय करावे हे सुचेनासे झाले. त्यांनी आरडा ओरड करत रडण्यास सुरुवात केल्यानंतर शेजाऱ्यांनी धाव घेतली अशी माहिती नातेवाईकांनी दिली. हेही वाचा - एमआयडीसी पोलीस ठाण्यात नोंद; आत्महत्येचे कारण अस्पष्ट शालेय विद्यार्थीनीने राहत्या घरी गळफास घेतल्याची माहिती कळताच एमआयडीसीचे पोलीस निरीक्षक राजन माने, हेड कॉन्सटेबल डी. जी. नवले हे घटनास्थळी दाखल झाले. त्यांनी नातेवाईकांच्या मदतीने छत्रपती शिवाजी महाराज सर्वोपचार रुग्णालयात दाखल केले असता डॉक्टरांनी तिला मृत घोषित केले. या घटनेची नोंद सिव्हिल पोलीस चौकीत झाली आहे.आत्महत्या का केली? तिला अभ्यासचा तणाव होता का? घरात कोणी रागावले होते का? या सर्व बाबींचा पोलीस तपास करत आहेत. हेही वाचा -
