मुंबई: दीर्घकाळापासून माणूस अवकाशावर लक्ष ठेवून आहे. अंतराळ घडणाऱ्या प्रत्येक हालचालीवर अंतराळ संस्था लक्ष ठेवून असतात. कारण, अंतराळात काही घडलं तर त्याचा थेट परिणाम हा पृथ्वीवर दिसून येतो. अंतराळातील मिल्कीवे गॅलेक्सीमधील कृष्णविवर म्हणजेच ब्लॅक होलमुळे (Black Hole) पृथ्वीच्या तापमानावर परिणाम होतो. अंतराळ संस्था नासाला अवकाशात लाखो ब्लॅक होल असल्याचं आढळून आलं आहे. पृथ्वीवर होत असलेलं प्रदूषण यासाठी जबाबदार आहे. पण, आता सापडलेला ब्लॅक होल इतका मोठा आहे की तो आठशेहून अधिक सूर्य (Sun) गिळंकृत करु शकतो. या ब्लॅक होलमध्ये सूर्यासारखे सुमारे आठशे तारे गायब होऊ शकतात, असे नासाला (NASA) आढळून आले आहे. परंतु, मानवी डोळ्यांनी हे ब्लॅक होल दिसणं अशक्य आहे. नासाच्या म्हणण्यानुसार मेसियर ४ नावाच्या ताऱ्यांच्या या समूहात हजारो तारे आहेत. हे पृथ्वीपासून सुमारे ६ हजार प्रकाशवर्ष लांब आहेत. ने आपल्या हबल स्पेस टेलिस्कोपद्वारे ताऱ्यांच्या या गटावर लक्ष ठेवले, ज्यामध्ये शास्त्रज्ञांना एक मोठा ब्लॅक होल दिसून आला.स्पेस टेलिस्कोप सायन्स इन्स्टिट्यूटचे एडुआर्डो विट्राल (Eduardo Vitral) ही दुर्बिण ऑपरेट करतात. त्यांनी सांगितले की अशा गोष्टी हबलशिवाय दिसू शकत नाहीत. असे म्हटले जाते की एकट्या आकाशगंगेमध्ये १०० दशलक्षाहून अधिक ब्लॅक होल आहेत. पण हे ब्लॅक होल सामान्य नाही. हे आतापर्यंत पाहिलेले सर्वात मोठे ब्लॅक होल आहे.ब्लॅक होल म्हणजे काय?ब्लॅक होलमध्ये खूप मजबूत गुरुत्वाकर्षण असते. असे म्हटले जाते की ते इतके मजबूत आहे की त्याच्या आतून प्रकाश देखील बाहेर पडू शकत नाही. संशोधकांनी बारा वर्षे मेसियर ४ च्या ताऱ्यांचे निरीक्षण केले होते. आता त्याच्या आत एवढा मोठा ब्लॅक होल दिसला आहे. हे संशोधन नुकतेच रॉयल अॅस्ट्रॉनॉमिकल सोसायटी (Royal Astronomical Society) च्या मंथली नोटिसेसमध्ये प्रसिद्ध झाले आहे. या ब्लॅक होलचे गुरुत्वाकर्षण खूप मजबूत आहे, त्यामुळे काहीही टिकून राहणे कठीण आहे, असं निरिक्षण यामध्ये नोंदवण्यात आळं आहे.
