सातारा : 'पवार साहेब हे वयाने मोठे आहेत. त्यांचे विचार आणि वाचनही मोठे आहे. त्यामुळे सातारा लोकसभेच्या मागील निवडणूक निकालाबाबत ते म्हणाले ते योग्य आहे. पण आमच्या घराण्यात विश्वासघात करण्याची परंपरा नाही. निवडणुकीत कोण काय करते हा भाग वेगळा आहे', असा टोला खासदार उदयनराजे भोसले यांनी राष्ट्रवादीचे अध्यक्ष शरद पवार यांना लगावला.रयत शिक्षण संस्थेच्या कर्मवीर भाऊराव पाटील पुण्यतिथीनिमित्त कार्यक्रमानंतर झालेल्या पत्रकार परिषदेत उदयनराजेंना भाजपकडून मोठी जबाबदारी दिली जाणार आहे, त्यांचा सातारा लोकसभेच्या निवडणुकीत होईल का? असे विचारले होते. त्यावर शरद पवारांनी श्रीनिवास पाटील यांच्या लोकसभा निवडणुकीत कोणाला फटका बसला हे समजले असेल. त्यामुळे भाजपने उदयनराजेंवर मोठी जबाबदारी दिली तरी राष्ट्रवादीला काहीही फरक पडणार नसल्याचे त्यांनी स्पष्ट केले होते. शरद पवारांच्या त्या राजीनामानाट्याबाबत खासदार उदयनराजेंना विचारण्यात आले. 'राजीनामा दिला, पण मागे घेतला नाही. त्यांनी दिला आणि मागे घेतला का? ते त्यांना विचारा. शेवटी वयानेही ते मोठे आहेत', असे ते म्हणाले.'लोकशाही आहे, कोणी कुठूनही उभे राहू शकते. प्रत्येकाला अधिकार आहे. अजून लोकसभा निवडणूक लांब आहे. ज्या त्यावेळी कोण विरोधात आहे, त्यावर ठरवू', असे उत्तर सातारा लोकसभेसाठी राष्ट्रवादीकडून तयारी सुरू असून तुमच्या विरोधात रामराजेंची उमेदवारी असेल, तर तुम्हाला आव्हान वाटेल काय? या प्रश्नावर उदयनराजेंनी उत्तर दिलं. कर्नाटकची पुर्नरावृत्ती महाराष्ट्रात होईल, असे विरोधकांकडून सांगितले जात आहे. यावर उदयनराजे म्हणाले, 'एका राज्यात जे घडले त्याचा परिणाम दुसऱ्या राज्यात घडेल असे नाही. महाराष्ट्रात निवडणूक लागल्यावर पाहू' इतके वर्षे तुमच्याकडे सत्ता होती, त्यावेळी का कामे झाली नाहीत. दुसऱ्याला नावे ठेवण्यापलीकडे त्यांनी काहीही केले नाही. आमच्या सातारा विकास आघाडीच्या जाहीरनाम्यात जे होते ते सर्व पूर्ण केले आहे. पण त्यांच्या नावे ठेवण्यामुळे आम्हाला दृष्ट लागणार नाही, अशा शब्दात खासदार उदयनराजे भोसले यांनी शिवेंद्रराजेंची खिल्ली उडवली. शिवेंद्रसिंहराजेंच्या नारळ फोडी गॅंग टीकेवर ते म्हणाले, 'या प्रश्नाला उत्तर देणे मला योग्य वाटत नाही. कारण नारळ फोडी गॅंग असे ते आम्हाला म्हणतात. पण नारळ फोडत नसतात तो वाढविला जातो, हे त्यांनी समजून घ्यावे. मला त्यांचे नावही घ्यायचे नाही. आमच्या जाहीरनाम्यात होते, ते सर्व पूर्ण केले आहे'. राज्याच्या मंत्रिमंडळ विस्तारात आमदार शिवेंद्रसिंहराजेंना संधी मिळणार असल्याची चर्चा आहे. 'याबाबत मला महिती नाही, माझी त्यांच्या मंत्रीपदाला आडकाठी नाही', असे उदयनराजे भोसले म्हणाले.
