मुंबई : देशांतर्गत शेअर बाजारात असे अनेक शेअर्स आहेत जे गुंतवणूकदारांसाठी नोटा छापायची मशीन सिद्ध झाले आहेत. लोकेश मशिन्स लिमिटेडचा स्टॉकही असाच आहे. मशीन टूल्स आणि ऑटो पार्टस बनवणाऱ्या या कंपनीच्या शेअरमध्ये पैसे गुंतवलेले आज श्रीमंत झाले आहेत. सोमवारी, आठवड्याच्या पहिल्या व्यवहार दिवशी लोकेश मशिन्सचा स्टॉक १५.१७ टक्क्यांनी उडी घेत २२३.९० रुपयांवर पोहोचला, जो या शेअरचा ५२ आठवड्यांचा उच्चांक आहे.विशेष म्हणजे तीन वर्षांपूर्वी या शेअरची किंमत फक्त २० रुपये होती. अशा परिस्थितीत लोकेश मशिन्सने या काळात लोकांच्या गुंतवणुकीत किती वाढ केली आहे ते जाणून घेऊया.एक लाखाची गुंतवणूक बनली ११ लाख२४ सप्टेंबर २०२० रोजी लोकेश मशिन्सचा स्टॉक २०.२ रुपयांवर बंद झाला होता तर, २५ सप्टेंबर २०२३ रोजी या मल्टीबॅगर स्टॉकने २२३.९० रुपयांचा उच्चांक गाठला. अशाप्रकारे, कंपनीच्या शेअरने गेल्या तीन वर्षांत गुंतवणूकदारांना १००० टक्केहून अधिक परतावा दिला. अशाप्रकारे जर एखाद्या गुंतवणूकदाराने तीन वर्षांपूर्वी या कंपनीच्या शेअरमध्ये एक लाख रुपये गुंतवले असले तर आज त्याची गुंतवणूक ११.०८ लाख रुपये झाली असेल.लोकेश मशिन्स शेअरची वाटचाललोकेश मशीन्सच्या शेअर्सच्या वाटचालीबद्दल बोलायचे तर गेल्या सहा महिन्यांत ८८.३८% परतावा दिला असून चालू वर्षात आतापर्यंत ९३.६४ टक्के रिटर्न्स नोंदवले आहेत. त्याच वेळी, लोकेश मशीनच्या शेअर्सने गेल्या वर्षभरात ९०% परतावा दिला आहे. यादरम्यान शेअरच्या किंमतीत झालेल्या वाढीमुळे कंपनीचे मार्केट कॅप ३७७.६२ कोटी रुपयांवर पोहोचले आहे. लोकेश मशिन्सच्या शेअरचा नीचांकी ८८.२५ रुपये आहे.लोकेश मशिन्स कंपनीबद्दल सर्वकाहीचालू आर्थिक वर्षाच्या पहिल्या तिमाहीत कंपनीने ५०.७ कोटी रुपये महसूल नोंदवला होता, जो वर्षभरापूर्वी याच कालावधीत ५०.३ कोटी रुपये होते. तसेच कंपनीने ०.८ कोटी रुपये नफा कमावला असून वर्षभरापूर्वी याच कालावधीत ०.७ कोटी रुपये होता. तर ३० जून २०२३ ला संपलेल्या तिमाहीत कंपनीचा ऑपरेटिंग नफा किरकोळ घसरून ५.७ कोटी रुपयांवर आला, जो वर्षभरापूर्वी याच काळात ५.८ कोटी रुपये होता.(Disclaimer: इथे फक्त शेअर्सच्या कामगिरीची माहिती दिली आहे, हा गुंतवणुकीचा सल्ला नाही. शेअर बाजारात गुंतवणूक करणे धोक्याच्या अधिक आहे, त्यामुळे गुंतवणूक करण्यापूर्वी तुमच्या गुंतवणूक सल्लागाराचा सल्ला घ्या.)
