चेन्नई : हैदराबादच्या संघाने १७५ धावा केल्या, तेव्हा ते हा सामना जिंकतील असे बऱ्याच जणांना वाटले नव्हते. पण त्यानंतर एकच जादुई चेंडू हैदराबादच्या संघाला आयपीएलच्या फायनलमध्ये घेऊन गेला. कारण हा एकच चेंडू हैदराबादच्या विजयासाठी टर्निंग पॉइंट ठरल्याचे पाहायला मिळाले.हैदराबादच्या आव्हानाचा पाठलाग करातान राजस्थानचा संघ १ बाद ६५ धावा अशी मजल मारली होती. त्यावेळी यशस्वी जैस्वाल आणि कर्णधार संजू सॅमसन हे दोघेही खेळपट्टीवर होते आणि चांगले स्थिरस्थावर झाले होते. त्यामुळे राजस्थानच्या विजयाची शक्यता जास्त होती. पण त्यावेळी हैदराबादच्या संघाने एक मोठा प्रयोग केला आणि तोच हैदराबादसाठी मोलाचा ठरल्याचे पाहायला मिळाले. ही गोष्ट घडली ती आठव्या षटकात. यावेळी हैदराबादच्या संघाने हे षटक शाहबाझ अहमदला दिले होते. यावेळी अहमदचा सामना करत होता तो यशस्वी जैस्वाल. या षटकाच्या पाचव्या चेंडूवर ही गोष्ट घडल्याचे पाहायला मिळाले. यशस्वी यावेळी जोरदार फटकेबाजी करत होता. यशस्वी पुन्हा एकदा मोठा फटका मारण्यासाठी गेला होता. कारण यावेळी यशस्वी चांगलागच धडाकेबाज फटकेबाजी करत होता. त्यामुळे पुन्हा एकदा यशस्वी कोणता मोठा फटका मारतो, याकडे सर्वांचे लागलेले होते. त्यामुळे चाहते यावेळी डोळ्यात तेल घालून सामना पाहत होता.आठव्या षटकाच्याच पाचव्या चेंडूवर यशस्वी मोठा फटका मारायला गेला खरा, पण यावेळी त्याचे टायमिंग चुकले. त्यामुळे यशस्वीचा फटका चुकला आणि चेंडू हवेत उडाला. त्यामुळे हा चेंडू कुठे जाणार, याची उत्सुकता सर्वांना होती. पण त्यावेळी अब्दूल समदने कोणताही चूक केली नाही आणि यशस्वी झेलबाद झाला. यशस्वी जिथे आऊट झाला तिथेच हा सामना राजस्थानच्या हातून निसटल्याचे पाहायला मिळाले. कारण यशस्वी बाद झाल्यावर संजू सॅमसन, रायन पराग, आर. अश्विन, शिमरॉन हेटमायर आणि रोवमन पॉवेल हे एकामागून एक बाद झाले आणि त्यांनी हा सामना गमावला. अखेरच्या षटकात ध्रुव जुरेलने मोठी फटकेबाजी केली खरी, पण तोपर्यंत त्यांच्या हातून सामना निसटला होता.हैदराबादच्या संघाने यशस्वीला बाद केले आणि त्यानंतर त्यांनी हा सामना सोडला नाही. त्यानंतर हैदराबादने एकामागून एक राजस्थानच्या फलंदाजांना बाद केले आणि त्यांनी हा सामना आपल्या बाजूने झुकवला. हैदराबादच्या गोलंदाजांनी त्यानंतर अचूक आणि भेदक गोलंदाजी केली. त्यामुळेच हैदराबादला यावेळी विजय साकारता आला.
