प्रवास करायला, फिरायला कोणाला आवडत नाही? नवनवीन देश पाहणं, तिथली लोकसंस्कृती अनुभवण्यातली मजा अवर्णनीयच असते. पण अनेकदा 'बजेट'चा अडथळा येतोय पुढील काही टिप्स चा वापर केला तर भटकंती 'बजेट'मध्ये बसवता येते. जागतिक पर्यटन दिनानिमित्त अशा हौशी पर्यटकांसाठी कमी खर्चात परदेश वारी कशी करता येईल यासाठी खास टिप्स... स्वस्त विमानप्रवास एजण्टमार्फत तिकीट बुकिंग करण्यापेक्षा ऑनलाइन बुकिंग केल्यास विमानप्रवास स्वस्त पडतो. नियोजीत सहल असल्यास शक्य असेल तितक्या आधी तिकीट बुक करा.सकाळी उशीरा किंवा दुपारच्या फ्लाइटने प्रवास केल्यास पैसे वाचतील. राहण्यावरचा खर्च कमी करा राहण्याची व्यवस्था करताना विमान बुकिंगच्या अगदी उलट विचार करा.हॉटेलचे ऑनलाइन बुकिंग टाळा. स्वस्त पण चांगलं असं कमी दर असणारं हॉटेल किंवा अपार्टमेंट भाड्यानं घ्या. ऑफ-सीझन प्रवास करा पर्यटनासाठी सुगीचे मानले जाणारे दिवस टाळून प्रसिद्ध ठिकाणांची भटकंती करा.यामुळं पर्यटनस्थळांच्या भेटीसाठी होणाऱ्या खर्चात कपात होईल.खरेदीही कमी पैशांत होईल. गर्दीपासून सुटका होईल. खरेदी करताना हुशारी दाखवा पर्यटनस्थळांवरून भरमसाठ भेटवस्तू खरेदी करू नका.खरेदी करताना बार्गेन कुठे होतं किंवा होत नाही याची चौकशी करा.
