नवी दिल्लीः सणांची धामधूम थोड्याच दिवसात सुरू होणार आहे. प्रवाशांना या दिवसात सुखाचा प्रवास करता यावा यासाठी रेल्वेने पावलं उचलली आहेत. उत्तर रेल्वेने या सणांसाठी ३४ विशेष गाड्यांची वाढ केली आहे. नवी दिल्ली ते बिहारमधील दरभंगा, मुझफ्फरपूर, सहरसा, पाटणा, पूर्णिया, बरौनी, भागलपूर तसेच कटिहारसाठी या ट्रेन्स चालवण्यात येणार आहेत. उत्तर प्रदेशमधील लखनऊ, वाराणसी सह प्रमुख स्टेशनांसाठी विशेष रेल्वे गाड्यांच्या संख्येतही वाढ करण्यात आली आहे. व छट पूजासाठी मोठ्या प्रमाणात लेक दिल्लीहून आपल्या घरी जाण्यासाठी ट्रेन्सने जातात. त्यामुळे रेल्वे स्टेशनवर खूप मोठी गर्दी होत असते. गर्दीत लोकांना त्रास होऊ नये, यासाठी रेल्वेने हा निर्णय घेतला आहे. दिवाळी व छठ पूजासाठी चालवण्यात येणारी विशेष रेल्वे गाड्या आनंद विहार-टर्मिनल-भागलपूर विशेष रेल्वे (०४००२) ही आठवड्याला चालवण्यात येणारी रेल्वेगाडी २४ ऑक्टोबर ते ३१ ऑक्टोबर पर्यंत आनंद विहार टर्मिनल ते भागलपूर या दरम्यान चालवण्यात येणार आहे. आनंद विहारहून ही रेल्वे सायंकाळी ६.३५ वाजता निघेल आणि सायंकाळी ५.३० वाजता भागलपूरला पोहोचेल. तर भागलपूरहून ही रेल्वे शुक्रवारी ६.४५ वाजता निघेल आणि दुसऱ्या दिवशी सायंकाळी ५.३० वाजता आनंद विहारला पोहोचेल. नवी दिल्ली-दरभंगा स्पेशल (०४४०६) ही गाडी १८ ऑक्टोबरला नवी दिल्लीहून सायंकाळी ७.२५ वाजता सुटणार आणि दुसऱ्या दिवशी ७.१५ वाजत दरभंगाला पोहोचणार. १९ ऑक्टोबरला ही रेल्वे रात्री ८.५५ वाजता दरभंगाहून सुटणार असून दुसऱ्या दिवशी रात्री १०.१० वाजता नवी दिल्लीला पोहोचणार. नवी दिल्ली-पाटणा जंक्शन सुविधा स्पेशल (८२४०४) ही रेल्वे २६ ऑक्टोबर ते २९ ऑक्टोबर तसेच १ नोव्हेंबरला नवी दिल्लीहून २.५५ वाजता सुटेल तर पुढील दिवशी सकाळी ८.३० वाजता पाटणा जंक्शनला पोहोचेल. त्यानंतर पुढील दिवशी ही ट्रेन पाटणा जंक्शनहून दुपारी १२ वाजता सुटून ती सायंकाळी चार वाजता नवी दिल्लीत पोहोचेल. दिल्ली-दरभंगा सुविधा स्पेशल (८२४१०) ही रेल्वे आठवड्यात दोनदा म्हणजे सोमवारी आणि गुरूवारी सात ऑक्टोबर ते चार नोव्हेंबर पर्यंत चालवण्यात येणार आहे. ही रेल्वे सकाळी ११ वाजता जुनी दिल्लीहून सुटणार आणि दुसऱ्या दिवशी सकाळी ८.३० वाजता दरभंगा पोहोचेल. त्यानंतर पुढील दिवशी ही रेल्वे दरभंगाहून दुपारी १२ वाजता सुटणार असून दुसऱ्या दिवशी मध्यरात्री १२.४० वाजता पोहोचेल. आनंद विहार टर्मिनल-बरौनी विशेष रेल्वे आनंद विहारहून ०४००२ विशेष रेल्वे २४ ऑक्टबर ते ३१ ऑक्टोबर पर्यंत प्रत्येक गुरुवारी भागलपूरसाठी चालवण्यात येणार आहे. नवी दिल्ली ते बरौनी साठी ०४४०४ विशेष रेल्वेगाडी मंगळवारी तसेच शुक्रवारी ही गाडी चालवण्यात येणार आहे. नवी दिल्लीहून दरभंगासाठी ०४४०५ ही विशेष रेल्वे गाडी शुक्रवारी रवाना होईल. नवी दिल्ली-वाराणसी विशेष रेल्वे (०४२०२) ही आठवड्यात धावणारी रेल्वे आहे. १९ ऑक्टोबर रोजी नवी दिल्लीहून सायंकाळी ३.३० वाजता सुटणार व दुसऱ्या दिवशी सकाळी सात वाजता वाराणसीला पोहोचेल. त्यानंतर ही रेल्वे वाराणासीहून सकाळी ९.५० वाजता सुटणार असून रात्री १.४५ वाजता नवी दिल्लीला पोहोचेल.
