अलवर (राजस्थान): राजस्थानच्या अलवर येथे महिलेशी गैरवर्तन करणाऱ्या दोन तरुणांना जमावाने मारहाण केली. या दोन्ही मद्यधुंद युवकांनी एका केले. इतकेच नाही तर, या व्यसनी तरुणांनी 'राम-राम' न बोलल्यामुळे महिलेचे कपडे फाडण्याचा प्रयत्न केला असा त्यांच्यावर आरोप आहे. हा प्रकार घडत असताना जोडप्याने आरडाओरड केल्यानंतर लोक जमा झाले. या दोघांना जमा झालेल्या लोकांनी चोप देत पोलिसाच्या स्वाधीन केले. राजस्थानातील अलवर येथील सेंट्रल बसस्थानकाजवळ हा प्रकार घडला. शनिवारी रात्री हे जोडपे हरयाणाच्या नोहा येथे जाण्यासाठी बसस्थानकात पोहोचले. पोलिसात दाखल करण्यात आलेल्या तक्रारीनुसार, हे जोडपे बस पकडण्यापूर्वी जेवण करत होते. त्याच्याबरोबर त्यांचे एक मूलही होते. इतक्यात दारू प्यायलेले राजवंश भारद्वाज आणि सुरेंद्र भाटिया हे दोघे तेथे पोहोचले. दोघांनीही या जोडप्यास शिवीगाळ करण्यास सुरुवात केली आणि त्यांच्याशी गैरवर्तन करण्यास करण्यास सुरवात केली. महिलेच्या पतीला मारहाण या दोन आरोपींनी जबरदस्तीने पीडित जोडप्यांना ‘राम-राम’ म्हणण्याची बळजबरी केली असा त्यांच्यावर आरोप आहे. त्यानंतर त्यांनी महिलेच्या पतीला मारहाण सुरू केली. यात महिलेने आरोपींना अडवण्याचा प्रयत्न केल्यानंतर त्यांनी महिलेचे कपडे फाडण्याचा प्रयत्न केला. आरडाओरड ऐकून लोक जमा झाले. त्यानंतर लोकांनी त्यांना चोप देत पोलिसांच्या स्वाधीन केले.
