बॉलिवूडचे शहेनशाह यांनी आपल्या चाहत्याना दिवाळीच्या शुभेच्छा दिल्या आहेत. या शुभेच्छा देताना त्यांनी आपली दोन जुनी छायाचित्रे शेअर केली आहेत. पहिल्या छायाचित्रात ते एका मुलीसोबत फुलबाजा उडवताना दिसत आहेत, तर दुसऱ्या छायाचित्रात पत्नी आणि ज्येष्ठ अभिनेत्री जया बच्चन यांच्यासोबत फुलबाजा उडवत आहेत. या फोटोत फुलबाजा उडवताना जया बच्चन यांनी अमिताभ बच्चन यांचा हात पकडलेला आहे. ही दोन जुनी सुंदर अशी छायाचित्रे शेअर करताना अमिताभ लिहितात, 'दिवाळीच्या अनेक शुभेच्छा. सुख, शांती, समृद्धी सदा' यानंतर त्यांनी आपल्या या शुभेच्छांचा स्वीकार करण्याची विनंती अमिताभ यांनी केली आहे. आपण दिलेल्या शुभेच्छांना प्रतिसाद म्हणून कृपया या शुभेच्छांचा स्वीकार करावा. माझ्यासाठी व्यक्तीगतरित्या प्रत्येकाला उत्तर देणे माझ्यासाठी शक्य नाही, अशा शब्दात अमिताभ यांनी ट्विट करत लिहिले आहे. अभिनयाबरोबरच सोशल मीडियावर तितकेच सक्रिय असल्याचे सर्व चित्रपटप्रेमींना माहीत आहे. चित्रपटाची किंवा एखाद्या अभिनेता, अभिनेत्रीची प्रशंसा करण्यासाठी, किंवा शुभेच्छा देण्यासाठी ते नेहमीच तत्पर असतात. या वेळी देखील अमिताभ बच्चन यांनी तत्परतेने आपल्या चाहत्यांना शुभेच्छा दिल्या आहेत. काही दिवसांपूर्वीच अमिताभ बच्चन यांनी आपला ७७ वा वाढदिवस साजरा केला. ते आपल्या घरी दिवाळीती पार्टी आयोजित करतील असे म्हटले जात आहे. या पार्टीत बॉलिवूडमधील दिग्गज सहभागी होण्याची शक्यता आहे.
https://ift.tt/31RDdu2