मुंबई: बॉक्स ऑफिसवर पहिल्याच दिवशी रेकॉर्ड ब्रेक कमाई करणाऱ्या '' चित्रपटाच्या बॉक्स ऑफिस कलेक्शनचा धमाका सुरूच आहे. चित्रपट प्रदर्शित झाल्यावर पहिल्याच रविवारी रेकॉर्डब्रेक कमाई करणारा हा पहिला चित्रपट ठरला आहे. बॉक्स ऑफिस इंडिया. कॉमनं दिलेल्या आकडेवारीनुसार बुधवारी म्हणजेच चित्रपट प्रदर्शित झाल्याच्या दिवशीच 'वॉर'नं ५१.५० कोटींचा गल्ला कमावला. गुरुवारी हाच आकडा २२.५० कोटींवर तर शनिवारपर्यंत २७.५० कोटींवर पोहोचला. विशेष म्हणजे रविवारी सुट्टीच्या दिवशी 'वॉर' चित्रपटानं तब्बल ३५ कोटींचा गल्ला जमवला. त्यामुळे चित्रपट प्रदर्शित झाल्यापासून आत्तापर्यंत 'वॉर'नं १५७.५० कोटींचा व्यवसाय केला आहे. पश्चिम बंगाल आणि बिहारमध्ये दुर्गा पुजेमुळे चित्रपटाचं दणक्यात प्रमोशन झालंय. त्यामुळं या राज्यांत चित्रपटाला चांगलाच रसिकांचा चांगलाच प्रतिसाद मिळतोय. शिवाय आता दसऱ्याची सुट्टी येत असल्याने या कमाईत अधिक भर पडेल असा अंदाज बांधण्यात येत आहे. एकाचवेळी ५ हजार ३५० स्क्रीन्सवर झळकला आहे. हिंदी, तमिळ आणि तेलुगू या भाषांत एकूण ४ हजार स्क्रीन्सवर वॉर प्रदर्शित झाला असून विदेशात १ हजार ३५० थिएटर्समध्ये वॉरने धडक दिली आहे. दरम्यान, 'वॉर' सिनेमाने बॉक्स ऑफिसवर एंट्रीलाच जोरदार मुसंडी मारली आहे. या चित्रपटाने पहिल्याच दिवशी ५३.३५ कोटींची कमाई करत आतापर्यंतचे सर्व विक्रम मोडीत काढले आहेत. या विक्रमामुळे 'वॉर' हा प्रदर्शनाच्या पहिल्याच दिवशी सर्वाधिक कमाई करणारा हिंदी चित्रपट, पहिल्या दिवशी सर्वाधिक कमाई करणारा राष्ट्रीय चित्रपट आणि हृतिक रोशन, टायगर श्रॉफ आणि यशराज फिल्म्सचा पहिल्याच दिवशी इतकी मोठी कमाई करणारा चित्रपट ठरला आहे. वॉर चित्रपट एकाचवेळी ५ हजार ३५० स्क्रीन्सवर झळकला आहे. हिंदी, तमिळ आणि तेलुगू या भाषांत एकूण ४ हजार स्क्रीन्सवर वॉर प्रदर्शित झाला असून विदेशात १ हजार ३५० थिएटर्समध्ये वॉरने धडक दिली आहे.
