नवी दिल्ली: आज विजयादशमी आणि वायूदल दिनानिमित्ताने भारताला पहिलं जेट मिळणार आहे. संरक्षण मंत्री राजनाथ सिंह फ्रान्सला पोहोचले आहे. ते याच राफेलमधून फ्रान्स एअरपोर्टच्या तळावरून उड्डाण करणार आहेत. मात्र भारताला राफेलची डिलीव्हरी पुढील वर्षी मिळणार आहे. राफेल दोन इंजिनवालं लढाऊ विमान आहे. याची निर्मिती दसॉल्ट नावाच्या फ्रान्सच्या कंपनीने केली आहे. यात मिटिऑर आणि स्काल्प मिसाइल तैनात आहेत, त्याद्वारे राफेलमुळे भारताला हवेतून हवेत मारा करण्याची क्षमता प्राप्त होणार आहे. ही दोन्ही क्षेपणास्त्रे राफेलचं युएसपी आहे. फ्रान्स पोहोचल्यानंतर राजनाथ सिंह यांनी सांगितले की, 'राफेल भारतात येत आहे. ८ ऑक्टोबर रोजी राफेल भारताला सुपूर्द करण्यात येणार आहे. सर्वजण यासाठी खूपच उत्साहात आहेत.' एमबीडीएचे भारताचे प्रमुख लुइक पीडेवॉश यांच्या म्हणण्यानुसार, मिटिऑरला व्हिज्युअल रेंज मिसाइल म्हणून जगातलं सर्वाधिक विनाशक मानलं जातं. स्काल्प खूप आतपर्यंत जाऊन मारण्यात सक्षम आहे. फ्रान्स भारताला ३६ राफेल विमानांचा पुरवठा करणार आहे. राफेल जेटची वैशिष्ट्ये :- १) राफेल असं लढाऊ विमान आहे ज्याला कुठल्याही प्रकारच्या मिशनवर पाठवलं जाऊ शकतं. भारतीय वायुदलाची यावर खूप काळापासून नजर होती. २) हे एका मिनिटात ६० हजार फुटांची उंची गाठू शकतं. याची इंधन क्षमता १७ हजार किलोग्रॅम आहे. ३) राफेल कुठल्याही प्रकारच्या हवामानात एका वेळी अनेक कामं करण्यास सक्षम आहे. म्हणून याला मल्टीरोल फायटर एअरक्राफ्ट म्हणूनही ओळखलं जातं. ४) याच्यात असलेलं स्काल्प क्षेपणास्त्र हवेतून जमिनीवर मारा करण्यात सक्षम आहे. ५) राफेलची मारा करण्याची क्षमता ३,७०० कि.मी. पर्यंत आहे तर स्काल्पची रेंज ३०० कि.मी. आहेय ६) विमानाची इंधन क्षमता १७ हजार कि.ग्रॅ. आहे. ७) हे अँटी शिप अटॅक, परमाणू हल्ला, क्लोज एअर सपोर्ट आणि लेजर डायरेक्ट लाँग रेंज मिसाइल अटॅकमध्ये अव्वल आहे. ८) राफेल २४,५०० किलोपर्यंतचं वजन वाहून नेऊ शकतं आणि ६० तासांपर्यंत अतिरिक्त उड्डाण करू शकतं. ९) याचा वेग २,२२३ कि.मी. प्रति तास आहे.
