नवी दिल्ली : शाओमीने चीनमध्ये नुकताच १०८ मेगापिक्सेल कॅमेऱ्याचा स्मार्टफोन लाँच केला. या फोनचा कॅमेरा सेटअप दमदार असल्याचं सिद्ध झालं आहे. या फोनचा कॅमेरा सर्वात दमदार आहे हे DxoMark स्कोअरमुळे सिद्ध होतं, असं कंपनीने लाँचिंग इव्हेंटमध्येच जाहीर केलं होतं. आता DxoMark कॅमेरा टेस्टमध्ये Mi CC9 Pro लाही Huawei Mate 30 Pro एवढेच गुण मिळाले. विशेष म्हणजे Apple च्या नुकत्याच लाँच झालेल्या आयफोनलाही या १०८ मेगापिक्सेल कॅमेराने मागे टाकलं. वाचा : मध्ये ट्रिपल रिअर कॅमेरा सेटअप देण्यात आला आहे. या फोनमध्ये १२-१२ मेगापिक्सेलचे तीन कॅमेरे देण्यात आले आहेत. शिवाय १२ मेगापिक्सेल वाइड अँगल, १२ मेगापिक्सेल टेलिफोटो लेन्स आणि १२ मेगापिक्सेल अल्ट्रा वाइड लेन्स देण्यात आली आहे. या फोनमधील क्वॉड एलईडी ड्युअल टोन फ्लॅशमुळे कितीही कमी प्रकाशात चांगला फोटो काढता येतो. वाचा : DxoMark टेस्टमध्ये कोणत्या फोनला किती गुण? या टेस्टमध्ये iPhone 11 Pro Max ला ११७ गुण मिळाले. या फोनमध्ये स्टील फोटोला १२४ आणि व्हिडीओसाठी १०२ गुण मिळाल्याचं समोर आलं. त्यामुळे हा सध्याचा सर्वोत्कृष्ट व्हिडीओ फोन ठरला. शिवाय फोटोसाठीही हा फोन उत्तम असल्याचं निरीक्षण नोंदवण्यात आलं. कोणत्याही परिस्थितीमध्ये फोटो काढण्यासाठी हा फोन सक्षम आहे. पण तरीही सर्वोत्कृष्ट फोन होण्याचा मान आयफोनला मिळाला नाही. वाचा : शाओमी Mi CC9 Pro स्मार्टफोन ला १२१ गुण मिळाले, ज्यामुळे हा फोन सर्वोत्कृष्ट कॅमेरा फोन ठरला. या फोनमध्ये १०८ मेगापिक्सेल रिअर कॅमेरा देण्यात आला आहे. यासह 5 मेगापिक्सेल टेलिफोटो लेन्स, 12 मेगापिक्सेल पोर्ट्रेट सेन्सर, 20 मेगापिक्सेल अल्ट्रा-वाइड लेन्स आणि एक 2 मेगापिक्सेल मायक्रो लेन्स देण्यात आली आहे. स्टील फोटोसाठी या फोनला १३० आणि व्हिडीओसाठी १०२ गुण मिळाले. त्यामुळे स्टील फोटोच्या बाबतीत शाओमीनेच बाजी मारली आणि Apple च्या नव्या फोनला मागे टाकलं.
