मुंबई: ही मालिका टीव्ही इंडस्ट्रीत सध्या वेगळ्या कारणामुळं चर्चेत आली आहे. मालिकेनं वेगळं वळण घेतलं आहे. त्यामुळं या मालिकेचं नाव बदलून ते आता 'माझ्या बायकोचा नवरा' असं ठेवायचं का? अशी चर्चा होतेय. सध्या मालिकेत राधिका आणि सौमित्र यांच्या लग्नाचा बार उडाला आहे. त्या दोघांची केमेस्ट्री देखील प्रेक्षकांना आवडतेय. मालिकेत एका पेक्षा एक असे ट्विस्ट आणि टर्न आले असतानाच आणखी एक वेगळाच ट्विस्ट येणार की काय अशी चर्चा सोशल मीडियावर पाहायला मिळतेय. मालिकेतील जेनी म्हणजेच शर्मिला राजाराम हिनं काही फोटो शेअर केले आहेत. त्याफोटोत जेनी आणि गॅरी यांचा रोमॅंटीक अंदाज पाहायला मिळतोय. असं असलं तरी या फोटो शेअर करण्यामागही एक गम्मत आहे. शर्मिलानं तिच्या इन्स्टाग्राम अकाऊंटवर गॅरीसोबतचे फोटो शेअर करत मजेशीर कॅप्शन लिहिलं आहे.' रोमॅंन्टीकपणे एकमेकांकडे पाहात फोटो काढण्यासाठी पोज देण्याचा प्रयत्न. पण आम्हाला हसू आवरत नाहीए' असं तिनं म्हटलं आहे. तर गॅरीच्या खऱ्या आयुष्यातील राधिका म्हणजेच त्याची पत्नी सुखदा खांडेकर हिला टॅग करत 'कृपया तुझ्या नवऱ्याला अशा फनी गोष्टी करण्यापासून कसं थांबवायचं हे सांगशिल असंही शर्मिलानं तिच्या पोस्टमध्ये लिहिलं आहे. वाचा: त्यावरून मालिकेत तरी सध्या जेनी आणि गॅरी असं काही समिकरण पाहायला मिळणार नसलं तरी गॅरीचं काय होणार हा प्रश्न प्रेक्षकांना पडला आहे. शनया आणि गॅरी यांच्या नात्याचं काय होणार? की, आणखी काय वेगळं पाहायला मिळणार? हे पाहणं उत्सुकतेचं ठरणार आहे. पाहा: मालिकेनं नुकतेच ११०० भाग पूर्ण केले आणि आजवर टीआरपीचे नवे उच्चांक या प्रस्थापित केले. 'गोड संसारासाठी थोडं तिखट व्हावं लागतं' असं म्हणत जवळपास तीन वर्षांपूर्वी सुरु झालेली 'माझ्या नवऱ्याची बायको' ही मालिका रसिकप्रेक्षकांच्या मनावर अक्षरक्ष: राज्य करतेय असंच म्हणावं लागेल.
