मुंबई: मराठी रंगभूमीवरील विवेकवादी अभिनेते, कार्यकर्ते, आणि विचारवंत डॉ. यांचे पुण्यात मंगळवारी वृद्धापकाळाने निधन झाले. मराठी रंगभूमीवरील हे 'तुफान' शांत झाल्याने विविध क्षेत्रातील मान्यवरांनी त्यांना आदरांजली वाहिली. अभिनेत्री हिनं डॉ. लागूंसोबत फोटो शेअर करत त्यांच्या आठवणींना उजाळा दिला. 'तुम्ही होता म्हणून मी घडले..एका सामान्य घरातल्या मुलीमधली अभिनयाची चमक फक्त तुम्ही पाहिली आणि मला रुपेरी पडद्यावर आणली. “सामाजिक बांधिलकी” तुमच्याकडून शिकले. तुमचे ऋण कधीच फेडता येणार नाही. #नटसम्राट #श्रीरामलागू will miss u #ShreeramLagoo' असं ट्विट तिनं केलं आहे. उर्मिला मातोंडकर हिनं बालकलाकार म्हणून डॉ. श्रीराम लागू यांच्या 'झाकोळ' चित्रपटात भूमिका साकारली होती. या चित्रपटातील दोन फोटो शेअर करत उर्मिलानं आपल्या भावनांना वाट मोकळी करून दिली आहे. १९८० मध्ये 'झाकोळ' चित्रपटाचे दिग्दर्शनदेखील डॉ. श्रीराम लागू यांनी केले होते. या चित्रपटातील उर्मिलाच्या भूमिकेचेही कौतुक झाले होते आणि रुपेरी पडद्यावरील तिच्या प्रवासाला वेगळी दिशा मिळाली होती. मराठीसह हिंदी चित्रपटसृष्टीवर अधिराज्य गाजवणारे चतुरस्त्र अभिनेते, मराठी रंगभूमीचा अनभिषिक्त नटसम्राट, ज्येष्ठ सामाजिक कार्यकर्ते डॉ. श्रीराम लागू यांचं मंगळवारी वृद्धापकाळाने निधन झालं. वयाच्या ९२व्या वर्षी त्यांनी पुण्यातील दीनानाथ मंगेशकर रुग्णालयात अखेरचा श्वास घेतला. त्यांच्या पार्थिवावर गुरुवारी अंतिम संस्कार करण्यात येणार आहेत. डॉ. लागू यांनी तब्बल चार दशकं मराठी आणि हिंदी चित्रपटसृष्टीवर अधिराज्य गाजवलं. त्यांनी शंभरहून अधिक हिंदी सिनेमात आणि ४० हून अधिक मराठी सिनेमांमध्ये काम केलं. तसेच २० हून अधिक मराठी नाटकांचं दिग्दर्शनही केलं. त्यांनी मराठी, हिंदीबरोबरच गुजराती रंगभूमीवरही काम केलं, वैद्यकीय महाविद्यालयात शिकत असतानाच त्यांना नाटकात काम करण्याची गोडी लागली होती. डॉ. लागू यांची 'लमाण' या आत्मचरित्रासह झाकोळ आणि रुपवेध ही पुस्तकेही प्रकाशित झालेली आहेत. घरोंदा या सिनेमासाठी त्यांना मुख्य सहाय्यक अभिनेत्याचा फिल्मफेअर पुरस्कार मिळाला होता. १९९७मध्ये त्यांना कालिदास सन्मान देऊन गौरवण्यात आलं होतं. तसेच त्यांना दिनानाथ मंगेशकर स्मृती प्रतिष्ठानचा जीवनगौरव पुरस्कार प्राप्त झाला होता. संगीत नाटक अकादमी फेलोशिप आणि राजश्री शाहू कला गौरव पुरस्कार देऊनही त्यांचा सन्मान करण्यात आला होता.
