चंदिगड: या वर्षी भारतीय भाविकांसाठी तीन धार्मिक स्थळे सुरू झाल्यानंतर आता पाकिस्तानात ऐतिहासिक हिंदू मंदिराचे दरवाजे उघडले जाणार आहेत. हे मंदिर पाकिस्तानातील पेशावर येथे आहे. या नावाने ओळखले जाणारे हे हिंदू मंदिर पुढच्याच महिन्यात नव्या वर्षाला खुले करण्याची तयारी सुरू करण्यात आली आहे. पांडव अज्ञातवासात असताना याच मंदिराच्या जागी वास्तव्यास होते असे मानले जाते. भारत-पाक फाळणीनंतर हे मंदिर बंद करण्यात आले होते. पाकिस्तानच्या खैबर पख्तूनख्वा प्रांताने पूर्वीच या जागेला राष्ट्रीय वारसा म्हणून घोषित केले आहे.
पंज तीरथला तेथे असलेल्या ५ तलावांमुळे मोठी प्रसिद्धी मिळाली आहे. इथे पाच तलावांव्यतिरिक्त एक मंदिर आणि खजराच्या झाडांची एक बाग देखील आहे. आता तर या ऐतिहासिक ठिकाणावरील ५ तलाव चचा यूनुस पार्क आणि खैबर पख्तूनख्वा चेंबर ऑफ कॉमर्स अॅण्ड इंटस्ट्रीच्या सीमेत आले आहेत. या जागेचा संबंध महाभारतकालीन पांडू या राजाशी होता असे मानले जात आहे. कार्तिक महिन्यात या तलावात हिंदू स्नान करण्यासाठी येत असत. शिवाय दोन दिवसांसाठी येथील झाडांखाली पूर्जा-अर्जा केली जात असे. ऑक्टोबरमध्ये उघडले गेले शिवाला तेज सिंह मंदिर पंथ तीरथ मंदिराचा जिर्णोद्धार केला जात असल्याचे पाकिस्तानातील इवाक्यू ट्रस्ट प्रॉपर्टीचे चेअरमन आमिर अहमद यांनी सांगितले. जानेवारीत या मंदिराचे उद्घाटन होणार असून गेल्या काही वर्षांमध्ये हे मंदिर पाकिस्तानद्वारे उघडले गेलेले दुसरे हिंदू मंदिर आहे. ऑक्टोबरमध्ये सियालकोटमध्ये सुमारे एक हजार वर्षे पुरातन शिवाला तेजा सिंह मंदिर हिंदू धर्मियांसाठी उघडले गेले होते. गुरुद्वारा चोआ साहिब मंदिर देखील उघडले गेले करतारपूर कॉरिडॉरपूर्वी पाकिस्तानने झेलममध्ये यूनेस्को वर्ल्ड हेरिटेज साइट असलेल्या रोहतास किल्ल्याजवळील गुरुद्वारा चोआ साहिबचे दरवाजेही उघडले आहेत. जुलै महिन्यात पाकिस्तानने दुसरा ऐतिहासिक गुरुद्वारा गुजरावाला येथील गुरुद्वारा खारा साहिब देखील उघडले होते. हा गुरुद्वाराही फाळणीनंतर बंद करण्यात आला होता.
