वाराणसी: वाराणसी ते इंदूरदरम्यान रविवारी सुरी झालेल्या काशी महाकाल एक्स्प्रेसमध्ये एक जागा (सीट) भगवान शंकरासाठी आरक्षित करून त्या जागेला मंदिराचे रुप देण्यात आले आहे. या वरून आता राजकारण तापू लागले आहे. या वरून ऑल इंडिया मजलिस-ए-इत्तेहादुल मुस्लिमीनचे (एआयएमआयएम) नेते यांनी महाकाल एक्स्प्रेसला हिरवा झेंडा दाखवणाऱ्या यांच्यावर निशाणा साधला आहे. ही टीका करताना ओवेसी यांनी ट्विट करत पंतप्रधान मोदी यांना भारतीय राज्यघटनेच्या प्रस्तावनेची आठवण करून दिली आहे. ओवेसी यांनी या ट्विटद्वारे अप्रत्यक्षपणे ट्रेनमधील एका सीटचे मंदिरात रुपांतरण करण्यावर आक्षेप नोंदवला आहे. भारत एक समाजवादी, धर्मनिरपेक्ष, लोकशाही राष्ट्र आहे हे पंतप्रधान मोदी यांना ओवेसी यांनी सांगण्याचा प्रयत्न केला आहे. रेल्वेचे हे पाऊल भारतीय राज्यघटनेता आत्मा अशी ओळख असलेल्या प्रस्तावनेच्या विरोधात असल्याचे ओवेसी यांनी म्हटले आहे. एक्स्प्रेसमधील सीटला दिले मंदिराचे रूप वाराणसी ते इंदूरदरम्यान सुरू झालेल्या काशी महाकाल एक्स्प्रेसमधील एका सीटला मंदिराचे स्वरूप देण्यात आले आहे. या मंदिरात भगवान शिवाची मूर्ती लावण्यात आली आहे. पंतप्रधान नरेंद्र मोदी यांनी रविवारी आपल्या वाराणसी दौऱ्यादरम्यान या एक्स्प्रेसला हिरवा झेंडा दाखवला. ट्रेनचा कोच बी-५ मधील सीट क्रमांक ६४ ला शीव मंदिर बनवण्यात आले आहे. ही ट्रेन २० फेब्रुवारीपासून सुरू होत आहे. काशी महाकाल एक्स्प्रेसच्या प्रवाशांसाठी अनेक पॅकेजेस ही एक्स्प्रेस गाडी उज्जैन, ओंकारेश्वर, महेश्वर, इंदूर आणि भोपाळ फिरण्याची संधी देणार आहे. आयआरसीटीसीने या ट्रेनद्वारे प्रवास करणाऱ्या प्रवाशांसाठी अनेक पॅकेजेस तयार केले आहेत. यात उज्जैन आणि इंदूरहून येणाऱ्या प्रवाशांना वाराणसी, काशी, अयोध्या आणि प्रयागराज फिरण्याची संधी मिळेल. तर, लखनऊ, प्रयागराज आणि वाराणसीहून उज्जैनला येणाऱ्या प्रवाशांसाठी वेगळे पॅकेजेस बनवण्यात आले आहेत. उज्जैन-ओंकारेश्वरला जाणाऱ्या प्रवाशांना दोन रात्री आणि तीन दिवसांच्या ९४२० रुपयांच्या पॅकेजमध्ये महाकालेश्वर ज्योतिर्लिंग मंदिर, कालभैरव मंदिर, राममंदिर घाट, हरसिद्धी मंदिर आणि ओंकारेश्वर ज्योतिर्लिंगाचे दर्शनाचा लाभ मिळणार आहे. तर, १२, ४५० रुपयांच्या तीन रात्री आणि चार दिवसांच्या पॅकेजमध्ये उज्जैन-ओंकारेश्वर-महेश्वर-इंदूरला भेट देता येणार आहे. यात इंदूर, महेश्वरमध्ये होळकर किल्ला, नर्मदा घाट आणि शिव मंदिरही अंतर्भूत असणार आहे. या व्यतिरिक्त, १४, ९५० च्या पॅकेजमध्ये भोपाळ, सांची, भीमवेटला भेट देण्याची संधी मिळणार आहे. हे पॅकेज तीन रात्री आणि चार दिवसांचे असणार आहे.
