मुंबई- आणि यांचा सिनेमा चित्रीकरणापासूनच चर्चेत होता. ऑफस्क्रीन कपलची केमिस्ट्री मोठ्या पडद्यावर कशी दिसेल याची उत्सुकता अनेकांना होती. मात्र सिनेमा प्रदर्शित झाल्यावर याकडे कोणी वळूनही पाहत नाही. या सिनेमात एक मॉर्डन आणि एक ९० ची लव्हस्टोरी दाखवण्यात आली आहे. इम्तियाज अली दिग्दर्शित या सिनेमाचं कलेक्शन पाहून प्रेक्षकांनी सिनेमाकडे सपशेल पाठ फिरवली असंच म्हणावं लागेल. बॉक्स ऑफिसवर दणदणीत आपटला सिनेमा कमी स्टार आणि वर्ड ऑफ माउथ अर्थात प्रेक्षकांकडून सिनेमाबद्दल वाईट रिव्ह्यू मिळाल्याचा फटका लव आज कलच्या कलेक्शनला बसला. पहिल्या दिवशी या सिनेमाने फक्त १२.४ कोटींची कमाई केली. दुसऱ्या दिवशी शनिवारी सिनेमा चांगली कमाई करेल अशी अपेक्षा होती मात्र सिनेमाने फक्त ८.०१ कोटींची कमाई केली. रविवारीही सिनेमाने ८.१० कोटींची कमाई केली. यामुळे तीन दिवसांमध्ये सिनेमाने देशभरात फक्त २८.५१ कोटींचा गल्ला कमावला. विशेष म्हणजे सैफ अली खान आणि दीपिका पदुकोणचा २००९ मध्ये प्रदर्शित झालेल्या लव आज कलने पहिल्या वीकेण्डला २७.८६ कोटींची कमाई केली होती. सिनेमाबद्दल समीक्षकांनीही फार चांगली प्रतिक्रिया दिली नाही. सारा आणि कार्तिकची सिनेमातली केमिस्ट्री फारशी चांगली नसल्याचं अनेकांनी सांगितलं. याचा फटकाही सिनेमाच्या कलेक्शनला बसला. २००९ मध्ये प्रदर्शित झालेल्या सैफ अली खान आणि दीपिका पदुकोण स्टारर लव आज कलचा हा सिनेमा सीक्वल होता. यात सारा अली खान आणि कार्तिक आर्यन यांच्यासोबत रणदीप हुड्डा आणि आरूषी शर्मा यांच्याही महत्त्वपूर्ण भूमिका होत्या.
