मुंबई- सलमान खानचं प्रोडक्शन हाउस आपल्या आगामी सिनेमांसाठी कास्टिंग करत असल्याचं म्हटलं जात होतं. पण यात कोणतंही तत्थ नसल्याचं समोर आलं. स्वतः सलमानने यासंबंधी ट्वीट करत माहिती दिली. या काळात फिल्म प्रोडक्शन कोणत्याही प्रकारचं कास्टिंग होत नसल्याचं आणि त्यासाठी कोणत्याही कास्टिंग एजेन्टला हायर केलं नसल्याचं त्याने ट्वीटद्वारे स्पष्ट केलं. अंश इरोराला आले अनेक फोन, मेसेज आणि ईमेल- या ईमेलच्या जाळ्यात अभिनेता अडकला. फिल्म्सच्या वतीने त्याला अनेक कॉल, मेसेज आणि ईमेलही आले. यातील एका ईमेलमध्ये सलमानचा आगामी टायगर जिंदा है ३ सिनेमात त्याला नकारात्मक भूमिका देण्याबद्दल सांगण्यात आले. याशिवाय ईमेलमध्ये ऑडिशनसोबत दिग्दर्शक प्रभुदेवासोबत मीटिंग ठेवल्याचाही उल्लेख आहे. मुंबईत दाखल केली तक्रार- यानंतर अंश अरोराने मुंबईतील एका पोलीस ठाण्यात जाऊन सलमान खान फिल्म्स विरोधात तक्रार नोंदवली. अंशच्या मते, त्याची फसवणूक झाली असून त्याच्या आगामी प्रोजेक्टसोबतही फसवणून झाली आहे. सलमान खानने केलं होतं स्पष्ट- याआधी सलमान खानने एक ट्वीट करून स्पष्ट केलं होतं की, 'मला हे स्पष्ट करायचं आहे की, मी किंवा सलमान खान फिल्म्स सध्या कोणत्याही सिनेमासाठी कास्टिंग करत नाही. आगामी सिनेमांसाठी आम्ही कोणत्याही कास्टिंग एजन्टला हायर केलेलं नाही. यासंबंधी कोणताही ईमे, मेसेज किंवा फोन आल्यास त्यावर विश्वास ठेवू नका, जर चुकीच्या पद्धतीने कोणी माझं किंवा सलमान खान फिल्म्सच्या नावाचा वापर करत असेल तर त्यांच्या विरोधात कायदेशीर कारवाई करण्यात येईल.'
