वॉशिंग्टन: करोना विषाणूचा सर्वाधिक फटका बसलेल्या अमेरिकेनं जागतिक आरोग्य संघटनेशी (WHO) असलेले सर्व संबंध तोडले आहेत. अमेरिकेचे अध्यक्ष () यांनी यासंबंधीची घोषणा केली. जागतिक आरोग्य संघटनेवर संपूर्णपणे चीनचं नियंत्रण आहे. त्यामुळं या संघटनेशी अमेरिकेनं आपले सर्व संबंध तोडण्याचा निर्णय घेतला आहे, असं ट्रम्प म्हणाले. करोना विषाणूला सुरुवातीच्या स्तरावरच रोखण्यात अपयशी ठरली आहे, असा आरोप डोनाल्ड ट्रम्प यांनी केला. करोना महामारीवरून याआधीही ट्रम्प यांनी संघटनेवर अनेक आरोप केले आहेत. जगभरात करोना विषाणूमुळं झालेल्या मृत्यूंना जागतिक आरोग्य संघटना आणि चीनला दोषी ठरवलं आहे. वर्षाला केवळ ४० दशलक्ष डॉलर इतकी मदत देत असतानाही WHO वर चीनचं संपूर्णपणे नियंत्रण आहे. दुसरीकडे त्या तुलनेत वर्षाला ४५ कोटी डॉलरची मदत देत आहे. तरीही संघटना आवश्यक सुधारणा करण्यात अपयशी ठरली आहे. त्यामुळं आज आम्ही या संघटनेसोबत असलेले संबंध संपुष्टात आणण्याचा निर्णय घेत आहोत, असं ट्रम्प यांनी सांगितलं. जागतिक आरोग्य संघटनेचा रोखण्यात आलेला निधी आता जगातील इतर आरोग्य संघटनांच्या मदतीसाठी वापरला जाणार आहे, असं सांगतानाच, ट्रम्प यांनी चीनविरोधात घेण्यात आलेल्या अनेक निर्णयांची यावेळी घोषणा केली. चीनच्या वुहान व्हायरसमुळं १ लाख अमेरिकींची मृत्यू: ट्रम्प करोना चीनचा वुहान व्हायरस असल्याचं यावेळी ट्रम्प म्हणाले. चीननं हा वुहान व्हायरस जगभरात फैलावला. त्यामुळं जागतिक महामारीचं संकट कोसळलं. या व्हायरसनं एक लाखाहून अधिक अमेरिकी नागरिकांचा बळी घेतला. संपूर्ण जगभरात लाखो नागरिकांचा या व्हायरसनं जीव घेतला, असं ट्रम्प म्हणाले. दरम्यान, भारत आणि चीन यांच्यात सध्या सुरू असलेल्या सीमावादामध्ये मध्यस्थी करण्याचा अमेरिकेचे अध्यक्ष डोनाल्ड ट्रम्प यांचा प्रस्ताव चीनने फेटाळला आहे. 'आपसांतील मतभेद दूर करण्यासाठी दोन्ही देशांना त्रयस्थाची गरज नाही,' असे चीनने म्हटले आहे. 'दोन्ही बाजूंची तयारी असल्यास आपण मध्यस्थी करण्यास तयार आहोत,' अशी भूमिका ट्रम्प यांनी घेतली होती. मात्र, भारत आणि चीन या वादावर शांततामय मार्गाने तोडगा काढण्यासाठी प्रयत्नशील आहेत, असे स्पष्ट करीत परराष्ट्र मंत्रालयाचे प्रवक्ते अनुराग श्रीवास्तव यांनी भारताला मध्यस्थी अमान्य असल्याचे सूचित केले होते. त्यानंतर ट्रम्प यांनी पुन्हा सुधारित ट्विट करीत उभय देशांना तसे वाटत असल्यास मध्यस्थी करण्यास तयार असल्याचे म्हटले आहे. चीननेही आता अधिकृतपणे ट्रम्प यांचा प्रस्ताव नाकारला आहे.
