नवी दिल्ली: भारतीय जनता पक्षाने आज पुन्हा एकदा गांधी कुटुंबावर हल्लाबोल केला आहे. लोकांनी नाकारलेला राजवंश म्हणजे संपूर्ण विरोधी पक्ष नाही. एका राजघराण्याला असलेले एखाद्या विषयातील स्वारस्य किंवा म्हणणे म्हणजे ते संपूर्ण देशाचे म्हणणे होत नाही, अशा शब्दांत भारतीय जनता पक्षाचे राष्ट्रीय अध्यक्ष यानी गांधी कुटुंबावर टीकास्त्र सोडले आहे. आज संपूर्ण देश संघटित झाला असून त्याचा पूर्णपणे भारतीय लष्कराला पाठिंबा आहे. ही एकजूट होण्याची वेळ आहे. जे. पी. नड्डा यांनी एकावर एक ट्विट करत गांधी कुटुंबावर हल्लाबोल करत दिवसाची सुरुवात केली आहे. एक ‘शाही’ राजघराणे आणि त्यांचे ‘निष्ठावंत’ दरबारी विरोधकांचा एकच वंश असल्याचा भ्रामक समज आहे. एक राजवंश काहितरी गोंधळ घालतो आणि त्याचे दरबारी ते बनावट कथन लोकाना सांगतात, अशा शब्दात नड्डा यांनी गांधी कुटुंबावर प्रहार केले आहेत. प्रश्न विचारणे विरोधकांचा अधिकार आहे. (पंतप्रधानांनी बोलावलेल्या) सर्वपक्षीय बैठकीत चांगली चर्चा झाली, तसेच विरोधी पक्षातील अनेक नेत्यांनी त्यांची मौल्यवान माहिती दिली. पुढे जाण्याचा मार्ग निश्चित करण्यात त्यांनी केंद्राला पूर्ण पाठिंबाही दर्शवला, मात्र, याला एक कुटुंब अपवाद होते. आणि ते कुटुंब कोणते याचा अंदाज तुम्ही लावा,असे नड्डा यांनी पुढील ट्विटमध्ये म्हटले आहे. वाचा: नाकारलेला आणि लोकांनी काढून टाकलेला 'राजवंश' म्हणजे संपूर्ण विरोधी पक्षा नाही असे सांगत नड्डा यांनी गांधी कुटुबावर घणाघात केला आहे. एका घराण्याची आवडनिवड, त्यांचे विचार म्हणजे काही संपूर्ण देशाचे विचार नाहीत. आज हे राष्ट्र एकसंघ आहे. संपूर्ण राष्ट्राचा आपल्या सशस्त्र सैन्याला पाठिंबा आहे. ही एकजूट होण्याची वेळ आहे, असे नड्डा यांनी आपल्या पुढील ट्विटमध्ये म्हटले आहे. वाचा: एका घराण्याच्या चुकीमुळे आम्ही हजारो चौरस किलोमीटर जमीन गमावली आहे. सियाचीन हिमनदीतर गेलीच आहे. आपण बरेच काही गमावले आहे, असे म्हणत भारताने त्यांना नाकारले यात काही आश्चर्य नाही, असा टोलाही नड्डा यांनी गांधी कुटुंबाला लगावला आहे. ही बातमी वाचा:
