सोल: गेल्या काही वर्षांपासून शांत असलेल्या उत्तर आणि या दोन्ही देशांमधील वाद मंगळवारी पुन्हा विकोपाला गेले. उत्तर कोरियाचे अध्यक्ष उन यांची बहीण जोंगने दक्षिण कोरियाला थेट युद्धाची धमकी दिल्यानंतर काही तासांतच उत्तर कोरियाने सीमेवरील दक्षिण कोरियाच्या संपर्क कार्यालयावर बॉम्ब टाकून ते उडवून दिले आहे. कराराद्वारे लष्करविहीन केलेल्या क्षेत्रात पुन्हा प्रवेश करण्याची धमकीही उत्तर कोरियाने केल्यामुळे दक्षिण आणि या शेजारील देशांमधील संबंध पुन्हा एकदा विकोपाला गेले आहेत. सोलमधील सरकारी सूत्रांनी दिलेल्या माहितीनुसार, सीमेवरील केसाँग भागातील दक्षिण कोरियाची इमारत दुपारी अडीच वाजता नष्ट करण्यात आली असून, या इमारतीतून मोठ्या प्रमाणावर धूर येत असल्याचे वृत्तही स्थानिक माध्यमांनी दिले आहे. गेल्या काही दिवसांपासून उत्तर आणि दक्षिण कोरिया यांच्यामध्ये सातत्याने वाद झडत असून, कारवाईची धमकी उत्तर कोरियाकडून वारंवार देण्यात येत होती. सीमेच्या परिसरात सामरिक हालचाली आणि कथित दुष्प्रचार करणे दक्षिण कोरियाने थांबविलेले नाही, असा उत्तर कोरियाचा आरोप आहे. वाचा: तणावाचा ताजा इतिहास मागील काही महिन्यांपासून दक्षिण कोरियाच्या हद्दीतून उत्तर कोरियाविरोधात संदेश देणारे फुगे सोडण्यात येत आहेत. उत्तर कोरियातून पळून आलेल्या नागरिकांकडून हे कृत्य केले जात असल्याचे म्हटले जाते. फुगे सोडणाऱ्यांवर कारवाई करण्याची मागणी किम जोंग यांची बहीण किम यो जोंगने दक्षिण कोरियाकडे केली होती. मात्र, त्याकडे दक्षिण कोरियाने दुर्लक्ष केले. त्यामुळे संतापलेल्या किम यो यांनी थेट युद्धाचीच धमकी दिली आहे. वाचा: किम यो यांची भूमिका निर्णायक दक्षिण कोरियाबाबतच्या संबंधाचे निर्णय घेण्याबाबत किम यो यांची भूमिका निर्णायक असते. त्यामुळे त्यांच्या या इशाऱ्याकडे गांभीर्याने पाहिले जात आहे. किम यो यांनी म्हटले की, 'आम्ही आता थेट कारवाईच करणार आहोत. आमचे सर्वोच्च नेते, आमचा पक्ष, देश आणि मिळालेल्या अधिकाराचा वापर करून शत्रूवर कारवाईचा आदेश देत आहे.' वाचा: वाचा: >> का आहे तणाव? - उत्तर कोरियात सुरू असलेल्या अणवस्त्र कार्यक्रम आणि मानवाधिकाराच्या मुद्द्यावरून किम जोंग यांच्यावर सातत्याने टीका केली जाते. - किम यांच्या सत्तेला कंटाळलेल्या अनेक कार्यकर्त्यांनी उत्तर कोरियातून दक्षिण कोरियात आश्रय घेतला आहे. हे कार्यकर्ते म्हणजे शत्रूंच्या भूमीवरील किडे असून त्यांनी मायदेशासोबत गद्दारी केली असून त्यांचे मालक असलेल्या दक्षिण कोरियाला धडा शिकवण्याची वेळ आली असल्याचेही याआधी किम यो यांनी म्हटले होते. - किम जोंग उननंतर उत्तर कोरियाच्या राजकारणावर किम यो जोंग यांचीच पकड असल्याचे म्हटले जाते. किम यांच्या अनेक निर्णयामागे किम यो यांची भूमिका असते.
