मुंबई: भारतीय क्रिकेट संघाचा माजी कर्णधार (Happy Birthday ) याचा आज वाढदिवस. जगातील सर्वात यशस्वी कर्णधारांच्या यादीत धोनीचा समावेश होतो. धोनच्या या कर्णधारपदाच्या यशाची सुरूवात झाली २००७च्या टी-२० वर्ल्ड कपच्या विजेतेपदापासून झाली. मैदानावर नेहमी कुल राहणाऱ्या धोनीच्या स्वभावामुळे संघातील खेळाडू त्याच्यावर डोळे झाकून विश्वास ठेवायचे. मग तो भारतीय संघ असो की आयपीएलमधील चेन्नई सुपर किंग्जमधील त्याचे सहकारी.... धोनीच्या निर्णयांवर आणि त्याने दाखवलेला विश्वास कधी मोडू दिला नाही. धोनी (MS Dhoni) सोबत खेळणाऱ्या अनेक खेळाडूंनी त्याने दाखवलेला विश्वास कधी मोडू दिला नाही. त्यामुळेच आजही त्यांना धोनी सर्वोत्तम कर्णधार वाटतो. धोनीबद्दल काही खेळाडूंनी गेल्या काही वर्षात केलेल्या वक्तव्यावर आणि मैदानातील कामगिरीवर एक नजर... १) आयपीएलमध्ये अनेक वर्ष चेन्नई सुपर किंग्जकडून खेळलेला फिरकीपटू आर.अश्विनने धोनी बद्दल एक मोठे विधान केले होते. जर कर्णधार म्हणून धोनीने मैदानावर जीव देण्यास सांगितेल तर मी त्यासाठी तयार होईन. २) २०१८ साली दोन वर्षाच्या बंदीनंतर चेन्नई सुपर किंग्ज संघाने पुन्हा आयपीएलमध्ये प्रवेश केला आणि अंतिम फेरीत धडक मारली. संपूर्ण स्पर्धेत अपयशी ठरलेल्या ऑस्ट्रेलियाच्या शेन वॉट्सनवर धोनीने अंतिम सामन्यात विश्वास दाखवला आणि संघात स्थान दिले. वॉट्सनने देखील धोनीने दाखवलेला विश्वास मोडू दिला नाही. त्या सामन्यात वॉट्सनने विजयी खेळी केली. अंतिम सामन्यात लवकर विकेट पडल्यानंतर वॉट्सनने चेन्नईचा डाव एका बाजूने रोखून धरला. त्याने ५९ चेंडूत ८० धावा केल्या. ही खेळी करत असताना त्याच्या गुढघ्याला गंभीर जखम झाली आणि रक्त येत होते. अशा परिस्थितीत तो मैदात थांबला आणि चेन्नईला तिसरे विजेतेपद मिळून दिले. ३) धोनी सोबत चेन्नई सुपर किंग्जमध्ये अनेक वर्ष असलेला वेस्ट इंडिजचा अष्ठपैलू खेळाडू ड्वेन ब्राव्होने अनेक वेळा सांगितेल आहे की धोनी सारखा कर्णधार क्रिकेट विश्वात दुसरा नाही. या वाढदिवसादिवशी त्याने धोनीसाठी एक खास गाण तयार केले आहे. धोनीने भारताकडून ९० कसोटी, ३५० वनडे आणि ९८ टी-२० सामने खेळले आहे. त्याने कसोटीत ४ हजार ८७६, वनडेत १० हजार ७७३ आणि टी-२०त १ हजार ६१७ धावा केल्या आहेत. कर्णधार म्हणून धोनीने २०० सामन्यात संघाचे नेतृत्व केले. यातील ११० सामन्यात विजय आणि ७४ मध्ये पराभव झाला. धोनी भारताकडून सर्वाधिक सामन्यात कर्णधार म्हणून जबाबदारी पार पाडणारा खेळाडू आहे.
