मुंबई: राज्यात महाविकास आघाडी सरकार आल्यापासून व हे मुख्यमंत्री झाल्यापासून भारतीय जनता पक्ष शिवसेनेला सातत्यानं लक्ष करत आहे. त्यातही विधानसभा निवडणुकीपूर्वी भाजपमध्ये गेलेले राणे पिता-पुत्र उद्धव ठाकरे व आदित्य यांच्यावर रोजच्या रोज टीका करत आहेत. सुशांतसिंह राजपूत प्रकरणावरूनही राणे यांनी आता ठाकरे पिता-पुत्रांना लक्ष्य केलं आहे. सुशांतसिंह प्रकरणाची सुनावणी सध्या सर्वोच्च न्यायालयात सुरू आहे. पर्यावरण मंत्री यांचा या प्रकरणाशी संबंध असल्याचा आरोप याआधीच भाजपनं अप्रत्यक्षरित्या केला आहे. तोच धागा पकडून आता माजी खासदार यांनी ठाकरे यांना इशारा दिला आहे. 'आदित्य ठाकरे यांचं नाव सर्वोच्च न्यायालयाच्या रेकॉर्डमध्ये आले... त्यांचा सुशांतसिंह प्रकरणात सहभाग जाणवतो. त्यामुळं तुम्हाला व तुमच्या मुलाला लवकरच राजीनामा द्यावा लागेल,' असं नीलेश राणे यांनी आपल्या ट्वीटमध्ये म्हटलं आहे. 'तुम्ही आणि तुमच्या मुलानं सुशांत प्रकरणात पदाचा दुरुपयोग केला आहे,' असा आरोपही नीलेश राणे यांनी केला आहे. भाजपच्या कुठल्याही जबाबदार नेत्याने सुशांत प्रकरणात अद्याप आदित्य ठाकरे यांचे थेट नाव घेतलेले नाही. 'मुंबईतील युवा मंत्री' इतकाच उल्लेख भाजपच्या नेत्यांकडून केला जातो. आमदार नीतेश राणे व नीलेश हे मात्र सुरुवातीपासून थेट आदित्य यांचं नाव घेत आले आहेत. वाचा: नीतेश राणे यांनी काही दिवसांपूर्वी मुंबईतील कोविड सेंटरमध्ये घोटाळा असल्याचा आरोप करतानाही आदित्य यांच्यावरच निशाणा साधला होता. कोविड सेंटरचे टेंडर वांद्र्यातील एक अभिनेता आणि त्याच्या मित्रमंडळींना विचारून काढले जातात, असा आरोपही त्यांनी केला होता. वाचा:
