पार्टीत मद्यधुंद तरुणीचा गोंधळ; मैत्रिणीच्या डोक्यात बिअरची बाटली फोडली - Times of Maharashtra

ठळक बातम्या

Friday, September 25, 2020

पार्टीत मद्यधुंद तरुणीचा गोंधळ; मैत्रिणीच्या डोक्यात बिअरची बाटली फोडली

https://ift.tt/2FY4Cps
भोपाळ: मध्य प्रदेशची राजधानी भोपाळमध्ये एका पार्टीत तरुणीनं गोंधळ घातला. दहावीत शिकणाऱ्या मुलीनं चिकन का खातेस म्हणून तिला विचारणा केली. त्यावर तिने मुलीच्या डोक्यात बिअरची बाटली फोडली. या प्रकरणी पारूल नावाच्या तरुणीविरोधात भोपाळच्या दोन पोलीस ठाण्यांत गुन्हे दाखल करण्यात आले आहेत. पार्टी सुरू असताना चिकन का खातेस म्हणून या तरुणीला अल्पवयीन मुलीनं विचारणा केली. त्यावर पारूलला राग आला. तिने तिला मारहाण करण्यास सुरुवात केली. गोंधळानंतर मुलगी पार्टी अर्धवट सोडून आपल्या बहिणीच्या घरी गेली. रुपल हिने रात्री तिच्या बहिणीच्या घरी जाऊन तिथेही गोंधळ घातला. तिच्या बहिणीच्या घरातही तोडफोड केली. तसेच अपहरण करण्याची धमकी दिली. तरुणीला याआधीही एका प्रकरणात अटक करण्यात आली होती. काय घडले नेमके? बागसेवनियामध्ये राहणारी मुलगी पारूलची मैत्रीण आहे. पीडित मुलगी मंगळवारी रात्री तिच्या घरीच थांबली. बुधवारी रात्री मित्रांसाठी घरी दारू पार्टीचे आयोजन केले. या पार्टीत पीडित मुलगी सुद्धा सहभागी झाली होती. पारूलने दारू पिण्यासाठी आग्रह केला. त्यावर तिने नकार दिला. त्यानंतर चिकन का खातेस असे पारूलला तिने विचारले. त्यावर तिला राग आला. तिने बिअरची बाटली तिच्या डोक्यात फोडली. काही मित्रांनी मध्यस्थी करून तिला बहिणीच्या घरी सोडले. इतकेच नाही तर पारूल तिच्या बहिणीच्या घरीही गेली. तिथे तिने गोंधळ घातला. तसेच तोडफोड केली. मुलीला आणि तिच्या बहिणीलाही मारहाण केली. दोघी बहिणींनी गुरुवारी पारूलविरोधात दोन पोलीस ठाण्यांमध्ये तक्रारी केल्या. पोलिसांच्या माहितीनुसार, शाहपुरा आणि बागसेवनिया पोलीस ठाण्यात तिच्याविरोधात गुन्हे दाखल झाले आहेत. आरोपी तरुणी फरार आहे. तिचा शोध घेण्यात येत आहे. आणखी बातम्या वाचा: