हैदराबाद: हैदराबाद महापालिका निवडणुकीचा (greater hyderabad municipal corporation elections) आवाज राजकारणाचे केंद्र असलल्या दिल्लीपर्यंत ऐकू आला आहे. या निवडणुकीवर संपूर्ण देशाचे लक्ष लागले आहे. हैदराबाद महापालिकेच्या (GHMC) १५० जागांवर एकूण ११२२ उमेदवार उभे आहेत. या सर्वांचा निकाल मंगळवारी लागणार आहे. हैदराबादमध्ये झालेल्या आतापर्यंतच्या निवडणुकीत ५० टक्क्यांवरही पोहोचलेले नाही. केवळ महापालिका निवडणूकच नाही कर विधानसभा आणि लोकसभा निवडणुकीतही हाच पॅटर्न दिसतो. हे पाहता मतदारांना बुथपर्यंत नेणे आणि मतदानाचा टक्का वाढवणे हे मोठे आव्हान आहे. या वेळी हैदराबादचे मतदार यावेळी मागील रेकॉर्ड तोडतील का हे पाहणे महत्वाचे ठरणार आहे. (will the record of 50 per cent be broken this time?) हैदराबादमधील मतदारांचे गणित हैदराबाद महापालिकेच्या १५० जागांवर एकूण ७४,६७,२५६ मतदार आहेत. यांमध्ये ३८,८९,६३७ पुरुष आणि ३५,७६,९४१ महिला तर ६७८ इतके तृतीयपंथी आहेत. महापालिकेच्या १५० जागांसाठी २९२७ मतदान केंद्रे आहेत, तर एकूण ९१०१ वोटिंग बूथ निर्माण केले गेले आहेत. ५० टक्के मतदान होणार का? हैदराबाद महापालिका निवडणुकीत आतापर्यंत ४५ टक्क्यांच्या आसपास मतदान झाले आहे. २००९ च्या हैदराबाद महापालिका निवडणुकीत ४२.०४ टक्के मतदान झाले होते. या नंतर २०१६ मध्ये महापालिका वोटिंग पॅटर्न असेच राहिलेले आहे. त्यावेळी ४५.२९ टक्के लोकांनी मतदान केले होते. महापालिकेच्या मागील निवडणुकीत ५० टक्क्यांचा आकडा पार झालेला नव्हता. या पूर्वी देखील निवडणुकांमध्ये देखील ५० टक्क्यांहून कमीत मतदान झाले होते. क्लिक करा आणि वाचा- कोणत्या पक्षाचे किती उमेदवार हैदराबाद महापालिका निवडणुकीत एकूण १५० जागांवर ११२२ उमेदवार उभे आहेत. भाजपचे १४९ उमेदवार आपले नशीब आजमावत आहेत. तर टीआरएसने सर्वच १५० जागांवर आपले उमेदवार उतरले आहेत. काँग्रेसने १४६ जागांवर तर असदुद्दीन ओवेसी यांच्या एआयएमआयएम पक्षाने ५१ जागांवर आपले उमेदवार उभे केले आहेत. टीडीपी १०६, सीपीआय १७, सीपीएम १२, अपक्ष १५ आणि इतर पक्षांचे ७६ उमेदवार मैदानात आहेत. क्लिक करा आणि वाचा- क्लिक करा आणि वाचा-
