कोलकाता : केंद्रीय गृहमंत्री पश्चिम बंगालच्या दोन दिवसांच्या दौऱ्यावर आहेत. आपल्या या दौऱ्यासाठी शुक्रवारी रात्रीच राज्यात दाखल झालेल्या शहांच्या दौऱ्याचा आजचा दुसरा आणि शेवटचा दिवस आहे. शनिवारी मिदनापूरमध्ये यांना मोठा धक्का देणारे अमित शहा आजही अॅक्शनमध्ये दिसणार आहेत. गृहमंत्री अमित शहा आपल्या कार्यकर्त्यांना बळ देण्यासाठी आज बंगालच्या रस्त्यांवर करत शक्ती प्रदर्शन करताना दिसणार आहेत. आजच्या दौऱ्यात सर्वप्रथम अमित शहा बंगालच्या संस्कृतीचं सर्वात महत्त्वाचं प्रतिक मानल्या जाणार्‍या शांती निकेतनला भेट देणार आहेत. त्यानंतर त्यांचा दौऱ्याचं पुढीलप्रमाणे नियोजन करण्यात आलंय. सकाळी १० : कोलकाताच्या वेस्टिन हॉटेलमधून बीरभूमला रवाना होणार सकाळी ११ ते दुपारी १२. ४० पर्यंत : बीरभूमच्या शांति निकेतनमधल्या विश्व भारती विद्यालयला भेट... इथे रवींद्र भवनात गुरु रवींद्रनाथ टागोर यांना गृहमंत्री श्रद्धांजली अर्पण करतील. त्यानंतर विद्यापीठाच्या संगीत भवनाला भेट देतील. बांगलादेश भवन सभागारातून ते कार्यकर्त्यांना संबोधित करतील दुपारी १२.५५ ते दुपारी १.४५ पर्यंत : बीरभूमकडून पारुलदंग्याच्या रवाना होतील. इथे बाउल गायक कुटुंबासोबत ते दुपारचं भोजन घेतील दुपारी २.०० : बोलपूरमध्ये रोड शोसाठी ते रवाना होतील सायंकाळी ४.०० : बोलपूरमध्ये हनुमान मंदिर ते बोलपूर सर्कल असा १ किमीचा रोड शो गृहमंत्री करणार आहेत सायंकाळी ४.४५ वाजता : कॅमिला कुटीर रिसॉर्टवर एका पत्रकार परिषदेचं आयोजन करण्यात आलंय सायंकाळी ५.४५ वाजता : रिसॉर्टकडून ते दुर्गापूरकडे रवाना होतील शनिवारी गृहमंत्री अमित शहा यांच्या उपस्थितीत तृणमूल काँग्रेसचे नेते सुवेंदू अधिकारी यांच्यासह बंगालच्या जवळपास ४२ नेत्यांनी भाजपमध्ये प्रवेश केलाय. यामुळे ममता बॅनर्जींसहीत काँग्रेस आणि सीपीएमलाही मोठा झटका बसलाय. बंगालमध्ये भाजप 'माँ - माटी - मानुष' लक्ष्य समोर ठेवून पुढे वाटचाल करत आहे. आपल्या दौऱ्यात अमित शहा यांनी राजकीय आणि सांस्कृतिक कार्यक्रमांची आखणी केलेली दिसतेय.
