म. टा. प्रतिनिधी, पुण्यासह राज्यात करोना प्रतिबंधक लस घेतलेल्या सात लाख १३ हजार ६७२ लाभार्थ्यांपैकी केवळ ०.६ टक्के लाभार्थ्यांनाच सौम्य स्वरूपाची लक्षणे आढळली आहेत. त्यामुळे लसीकरणामुळे 'साइड इफेक्ट'ची आरोग्य कर्मचाऱ्यांना वाटणारी भीती फोल ठरली आहे. राज्यात गेल्या काही दिवसांपासून करोना संसर्ग वाढत असल्याने लसीकरण करण्याचा सल्ला आरोग्य तज्ज्ञांनी दिला आहे. (No Side Effects Of ) वाचा: देशात १६ जानेवारीला लसीकरणाचा पहिला डोस देण्यास सुरुवात झाली. राज्यात सोमवारपासून लसीकरणाचा दुसरा डोस सुरू करण्यात आला आहे. दुसरा डोस घेणाऱ्यांची संख्या पहिल्या दिवशी कमी होती. राज्यात 'वेट अँड वॉच'ची भूमिका घेऊन अनेक आरोग्य कर्मचाऱ्यांनी लशीचा पहिला डोस घेतला नाही. त्यामुळे राज्याच्या तुलनेत पुण्यात लसीकरणाचे प्रमाण कमी दिसत आहे. पुणे शहरात केवळ ४८ टक्के लसीकरण झाले आहे, तर राज्यातील लसीकरणही निम्मे झाले आहे. अनेक रुग्णालये, दवाखाने, क्लिनिक, पॅथॉलॉजी लॅबमधील आरोग्य कर्मचारी, नर्स, वॉर्ड बॉय लशीच्या 'साइड इफेक्ट'च्या भीतीने लसीकरणापासून दूर राहिल्याचे निरीक्षण नोंदविण्यात आले. वाचा: दरम्यान, लस घेतलेल्या अनेक लाभार्थ्यांनी 'आम्ही लस घेतली, आता तुम्ही लस घ्या,' अशा शब्दांत इतरांना लस घेण्याचे आवाहन केले, तसेच लशीचे 'साइड इफेक्ट' नसल्याचे सांगून आश्वस्त केले. मात्र, तरीदेखील अनेकांमध्ये लशीबद्दल भीती असल्याचे चित्र आहे, असे निरीक्षण तज्ज्ञांनी नोंदविले. राज्याच्या आरोग्य विभागानेही लस घेण्याचे आवाहन केले आहे. आरोग्य कर्मचाऱ्यांचे लसीकरण ६० हजार पुणे शहरातील नोंदणीकृत आरोग्य कर्मचारी ... १९,६९५ पिंपरी-चिंचवडमधील नोंदणीकृत आरोग्य कर्मचारी ... १ लाख १३ हजार ६६२ पुणे जिल्ह्यातील एकूण नोंदणीकृत आरोग्य कर्मचारी ... १० लाख ३८ हजार राज्यातील एकूण आरोग्य कर्मचाऱ्यांची नोंदणी ... ५ लाख ४७ हजार राज्यातील फ्रंटलाइन वर्कर्सची नोंदणी ... २७ हजार ४४४ पुणे शहरातील लसीकरणाचे लाभार्थी ... ७ लाख १३८ हजार ६७२ आतापर्यंत राज्यातील लसीकरणाचे एकूण लाभार्थी ... ४ हजार ६७९ राज्यातील दुसऱ्या डोसचे लाभार्थी ... ७६६ राज्यातील एकूण लसीकरण केंद्रे ... ४८ टक्के पुण्यातील लसीकरणाचे पहिल्या डोसचे प्रमाण ... ५० टक्के राज्यातील लसीकरणाचे प्रमाण ... राज्यात लसीकरण झालेल्या लाभार्थ्यांपैकी सुमारे ४३०० जणांना म्हणजेच लाभार्थ्यांच्या संख्येपैकी ०.६ टक्के जणांना किरकोळ लक्षणे दिसून आली आहेत. त्यामुळे लसीकरणाचा कोणताही 'साइड इफेक्ट' होत नसून, अनेक आरोग्य कर्मचाऱ्यांकडून लसीकरणास प्रतिसाद दिला जात आहे. - डॉ. दिलीप पाटील, लसीकरण अधिकारी ... पुणे शहरात आतापर्यंत लसीकरण झालेल्यांपैकी केवळ १७ जणांना सौम्य लक्षणे दिसून आली आहेत. सौम्य लक्षणे दिसली, तरी औषधोपचारानंतर रुग्ण बरे होत आहेत. त्यामुळे उर्वरित आरोग्य कर्मचाऱ्यांनी लसीकरण करून घ्यावे. - डॉ. आशिष भारती, आरोग्य प्रमुख, महापालिका ... मी लसीकरणाचा पहिला डोस १६ जानेवारीला घेतला. त्यानंतर दुसरा डोसही सोमवारी घेतला आहे. पहिल्या आणि दुसऱ्या डोसनंतर मला कोणतीही लक्षणे आढळली नाहीत. कोणताही त्रास झाला नाही. - शशिकांत लोहार, कर्मचारी, जिल्हा रुग्णालय ... मी लस घेतली, त्याच्या दुसऱ्या दिवशी मला थोडासा ताप आला. मात्र, औषध घेतल्यानंतर तो बरा झाला. नंतर काही त्रास झाला नाही. लस सुरक्षितच आहे. - डॉ. संध्या मोहिते, चिफ मेडिकल केअर कॉर्डिनेटर, भारती हॉस्पिटल ... साइड इफेक्टस - इंजेक्शन दिलेल्या जागी दुखणे - सौम्य स्वरूपाचा ताप - अंगदुखी, डोकेदुखी - जुलाब, उलटी - खोकला, सर्दी वाचा:
