मुं बई- बॉलिवूडमध्ये इतिहास रचणाऱ्या 'बाहुबली' या चित्रपटाचे दिग्दर्शक एसएस राजामौली यांचा आगामी चित्रपट '' सध्या प्रचंड चर्चेत आहे. राजामौली यांचा 'आरआरआर' या चित्रपटाचा बिग बजेट चित्रपटांच्या यादीत समावेश होतो. अनेक दिवसांपासून चित्रपटामधील सीतेच्या भूमिकेबद्दल सोशल मीडियावर प्रचंड चर्चा रंगली होती. या चित्रपटात सीतेची भूमिका कोण साकारणार याची प्रेक्षकांना उत्सुकता लागून राहिली होती. अखेरीस चित्रपटाच्या निर्मात्यांनी या गुपितावरून पडदा हटवला होता.त्यांनी सीतेच्या भूमिकेसाठी आलिया भट्टची निवड करण्यात आल्याचं स्पष्ट केलं होतं. आता लवकरच सीता म्हणून आलियाचा फर्स्ट लूक प्रेक्षकांसमोर येणार असल्याची माहिती निर्मात्यांनी दिली. 'आरआरआर' चित्रपटाच्या निर्मात्यांनी ट्विटर हॅण्डलवर आणि इन्स्टाग्राम अकाउंटवर प्रेक्षकांना यासंबंधी माहिती देताना लिहिलं, 'भेटा आपल्या सीतेला... आलिया भट्टचा चित्रपटातील पहिला लूक १५ मार्च रोजी सकाळी ११ वाजता रिलीज करण्यात येईल.' १५ मार्च रोजी आलीय भट्टचा वाढदिवस असतो आणि त्याच दिवशी आलियाच्या चित्रपटातील पहिला लूक प्रेखसकांसमोर येणार आहे. निर्मात्यांकडून केल्या गेलेल्या या घोषणेवर आलियाने अत्यंत सुंदर प्रतिक्रिया दिली आहे. तिने चित्रपटाची पोस्ट शेअर करत त्यावर दिलचे इमोजी पोस्ट केले आहेत. दिग्दर्शक राजामौली यांच्या 'आरआरआर' चित्रपटात अभिनेता अजय देवगन, राम चरण आणि ज्युनियर एनटीआर यांसारखे दिग्गज कलाकार आहेत. हा चित्रपट १३ ऑक्टोबर २०२१ रोजी चित्रपटगृहात प्रदर्शित होणार आहे. जेव्हापासून चित्रपटाची घोषणा करण्यात आली आहे, तेव्हापासून प्रेक्षक या चित्रपटाला मोठ्या पडद्यावर पाहण्यासाठी उत्सुक आहेत. राजामौली यांनी चित्रपटाच्या सेटवरील एक फोटोदेखील चाहत्यांसोबत शेअर केला आहे. ज्यात ते आलियासोबत उभे असलेले पाहायला मिळतायत. ते दोघे एकमेकांकडे पाहून हसत आहेत.
