: 'मला माफ कर', अशा आशयाची चिठ्ठी लिहून पत्नीच्या विरहात पतीने केली. ही हृदयद्रावक घटना पाचपावलीतील लालगंज खैरीपुरा येथे शुक्रवारी सायंकाळी उघडकीस आली. देवेंद्र बापू निमजे (वय ३५) असे मृतकाचे नाव आहे. त्यांचा खासगी व्यवसाय आहे. खैरीपुरा येथील घरीच त्यांचे गोदाम आहे. गोदामाच्या बाजूलाच त्यांची बहीण मनीषा नगरधनकर राहतात. दोन वर्षांपूर्वी देवेंद्र यांनी शहनाज या तरुणीसोबत प्रेमविवाह केला. लग्नानंतर दोघांमध्ये वाद सुरू झाला. शहनाज माहेरी गेल्या. शुक्रवारी सायंकाळी देवेंद्र हे मनीषा यांच्या घरी गेले. काही वेळाने ते गोदामात गेले. गोदामातील लाकडी बल्लीला दोरी बांधून गळफास घेतला. काही वेळाने देवेंद्र यांचा भाचा गोदामात गेला. ते गळफास लावलेले दिसले. त्यांनी मनीषा यांना आवाज दिला. त्यांनी हंबरडा फोडला. शेजाऱ्यांनी पाचपावली पोलिसांना माहिती दिली. पोलिस उपनिरीक्षक मनीष गोडबोले यांच्यासह पोलिसांचा ताफा तेथे पोहोचला, पंचनामा केला. पोलिसांनी देवेंद्र यांनी आत्महत्यूपूर्वी लिहिलेली चिठ्ठी जप्त केली. 'शहनाज मला माफ कर', असे चिठ्ठीत लिहिले आहे. पोलिसांनी ती जप्त केली. याप्रकरणी पोलिसांनी आकस्मिक मृत्यूची नोंद करून तपास सुरू केला आहे. ऑटोने दीडवर्षीय चिमुकल्याला चिरडले नागपूर : भरधाव ऑटोने दीडवर्षीय चिमुकल्याला चिरडून ठार केले. ही घटना शुक्रवारी सायंकाळी ५ वाजताच्या सुमारास भांडेवाडीतील गजानन महाराज मंदिर परिसरात घडली. इशान मने (दीड वर्ष) असे चिमुकल्याचे नाव आहे. शुक्रवारी सायंकाळी इशान मंदिर परिसरात खेळत होता. एमएच-४९-एआर-९६२२ या क्रमांकाच्या ऑटोने त्याला धडक दिली. ऑटोचे मागील चाक इशानच्या अंगावरून गेले. तो जखमी झाला. नातेवाइकांनी त्याला हॉस्पिटलमध्ये दाखल केले. डॉक्टरांनी तपासून मृत घोषित केले. पारडी पोलिसांनी प्राणांतिक अपघाताचा गुन्हा दाखल करून ऑटोचालक लक्ष्मीकांत सुरेश सावरकर (वय ३५, रा. दीपनगर) याला अटक केली. कुख्यात भुऱ्या गजाआड नागपूर : यशोधरानगर पोलिसांनी वनदेवीनगर चौकात सापळा रचून कुख्यात गुंड भुऱ्या ऊर्फ शेख अरशद शेख सत्तार (वय २०, रा. राजीवनगर) याला अटक केली. भुऱ्या हा चाकू घेऊन हैदोस घालत असल्याची माहिती माहिती यशोधरानगर पोलिसांना मिळाली. वरिष्ठ पोलिस निरीक्षक अशोक मेश्राम यांच्या मार्गदर्शनाखाली उपनिरीक्षक जितेंद्र भार्गव, श्रीनिवास दराडे, सहाय्यक उपनिरीक्षक विनोद सोलव, प्रकाश काळे व त्यांच्या पथकाने सापळा रचून भुऱ्याला अटक केली. त्याच्याकडून चाकू जप्त केला. भुऱ्याविरुद्ध विविध पोलिस स्टेशनमध्ये गंभीर स्वरूपाचे गुन्हे दाखल आहेत. बार फोडून दारूसाठा लंपास नागपूर : बेला पोलिस स्टेशन अंतर्गत असलेल्या आष्टा येथील गोवर्धन बीअरबारमध्ये चोरी करून चोरट्यांनी सव्वा लाखाचा दारूसाठा लंपास केला. ही घटना शुक्रवारी सकाळी उघडकीस आली. मनोज बबनलाल जैस्वाल (वय ४७, रा. सोनेगाव लोधी) यांच्या मालकीचा हा गोवर्धन बीअरबार आहे. संधी सांधून चोरट्यांनी बारच्या शटरचे कुलूप तोडले. एक लाख २५ हजार रुपयांचा विदेशी दारूचा साठा चोरी केला. शुक्रवारी सकाळी ही घटना उघडकीस आली. जैस्वाल यांनी दिलेल्या तक्रारीवरुन बेला पोलिसांनी घरफोडीचा गुन्हा दाखल करून चोरट्यांचा शोध सुरू केला आहे.
