अबूधाबी: परदेशात रोजगारासाठी जाणाऱ्या भारतीयांची संख्या मोठी आहे. मागील पाच वर्षामध्ये भारतीयांनी रोजगारासाठी आखाती देशांना प्राधान्य दिले असल्याचे आकडेवारीतून समोर आले आहे. पहिल्या पाच देशांपैकी चार देशांमध्ये आखाती देश असून पाचव्या स्थानी अमेरिका आहे. संयुक्त अरब अमिरातीला पहिली पसंती दिली आहे. भारताच्या इमिग्रेशन ब्युरोने दिलेल्या आकडेवारीच्या आधारे परराष्ट्र राज्य मंत्री व्ही. मुरलीधर यांनी लोकसभेत ही माहिती दिली. रोजगारासाठी गल्फ कॉर्पोरेशन कौन्सिल क्षेत्राला (जीसीसी) व्यावसायिक आणि ब्लू कॉलर्स या दोन्ही गटांतील भारतीयांची पसंती आहे. पहिल्या पाच देशांमध्ये चारही देश आखातामधील आहेत. तर, पाचव्या स्थानावर अमेरिका आहे. पहिल्या स्थानावर संयुक्त अरब अमिराती, दुसऱ्या स्थानावर सौदी अरेबिया, त्यानंतर कतार, अमेरिका आणि ओमान यांचा समावेश आहे. वाचा: मुरलीधरन यांनी सांगितले की, युवकांसाठी विशेषत: समाजातील मागास घटकांना परदेशात सुरक्षित कायदेशीर रोजगाराची सुविधा देण्यासाठी भारत सरकारने नोंदणीकृत एजेंट्सच्या माहितीसह ई-मायग्रेट पोर्टलची स्थापना केली आहे. हे पोर्टल विविध राज्यांमध्ये काम करत आहेत. या पोर्टलमुळे परदेशात रोजगारासाठी जाऊ इच्छिणाऱ्यांची फसवणूक होत नाही. युएईत भारताचे प्रशिक्षण केंद्र या वर्षाच्या सुरुवातीला संयुक्त अरब अमिरातीमध्ये भारतीय श्रमिकांसाठी भारत सरकारने 'कौशल्य आणि प्रशिक्षण केंद्र' सुरू केले आहे. या केंद्रात दुबईत काम करणाऱ्या भारतीयांना अरबी, इंग्रजी आणि संगणकाबाबतचे प्रशिक्षण दिले जाते.
