मुंबई : कच्च्या तेलातील महागाईचा भार ग्राहकांवर लादणाऱ्या पेट्रोलियम कंपन्यांनी आज रविवारी पुन्हा एकदा पेट्रोल आणि डिझेल दरात वाढ केली. आज देशभरात पेट्रोल ३५ पैसे आणि डिझेल ३५ पैशांनी महागले. आजच्या दरवाढीनंतर मुंबईत एक लीटर पेट्रोलचा भाव १११.७७ रुपये झाला आहे. दिल्लीत पेट्रोल १०५.८४ रुपये इतके वाढले आहे. चेन्नईत पेट्रोलचा भाव १०३.०१ रुपये इतका आहे. कोलकात्यात एक लीटर पेट्रोल १०६.४३ रुपये आहे. भोपाळमध्ये साध्या पेट्रोलचा भाव ११४.४५ रुपये असून बंगळुरात पेट्रोल १०९.५३ रुपये झाले आहे. आज डिझेल ३५ पैशांनी महागले आहे. आजच्या दरवाढीनंतर मुंबईत एक लीटर डिझेलचा भाव १०२.५२ रुपये झाला आहे. दिल्लीत डिझेल ९४.५७ रुपये इतका वाढला आहे. चेन्नईत ९८.९२ रुपये आणि कोलकात्यात डिझेलचा भाव ९७.६८ रुपये प्रती लीटर इतका आहे. भोपाळमध्ये डिझेलचा भाव १०३.७८ रुपये असून बंगळुरात डिझेल १००.३७ रुपये झाला आहे. ऑक्टोबरमध्ये पेट्रोल ४.६५ रुपयांनी महागले आहे तर मागील १९ दिवसांत डिझेल ६ रुपयांनी महागले आहे. करोना संकट कमी झाल्याने सरकारकडून वाहतुकीवरील निर्बंध शिथिल केले आहेत. बहुतांश राज्यांमध्ये जनजीवन पूर्वपदावर येत असून बाजारपेठा खुल्या झाल्या आहेत. परिणामी देशात इंधन मागणीत देखील प्रचंड वाढ झाली आहे. अमेरिकन बाजारात शुक्रवारी ब्रेंट क्रूडचा भाव ०.८६ डॉलरने वधारला आणि ८४.८६ डॉलर प्रती बॅरल झाला. डब्ल्यूटीआय क्रूडचा भाव ०.९७ डॉलरने वधारून ८२.२८ डॉलर प्रती बॅरल झाला.
