मुंबई : नोव्हेंबरमध्येही दोलायमान राहिलेल्या बँक शेअर तसेच एकूणच बँक निर्देशांकांबाबत आता नव्या महिन्यात साशंकता व्यक्त केली जाऊ लागली आहे.चालू आर्थिक वर्षाच्या शेवटच्या महिन्यातही बँक निफ्टीबाबत बाजार विश्लेषक साशंक अंदाज बांधत आहेत. वार्षिक तुलनेत या क्षेत्रीय निर्देशांकाने गुंतवणूकदारांना १५.७९ टक्के परतावा दिला आहे. पेक्षा प्रमुख निफ्टी निर्देशांक अधिक, २२.६८ टक्क्यांनी झेपावला आहे. गेल्या महिन्यात म्हणजेच नोव्हेंबरमध्ये बँक निफ्टी ९ टक्क्यांनी आपटला. तर नॅशनल स्टॅक एक्स्चेंजचा प्रमुख निफ्टी निर्देशांक तुलनेत कमी, जवळपास ४ टक्क्यांनी खाली आला. परिणामी आता चालू आर्थिक वर्षाच्या शेवटच्या महिन्यातही बँक निफ्टीबाबत बाजार विश्लेषक साशंक अंदाज बांधत आहेत. स्टॅक मार्केटमध्ये मोठ्या प्रमाणात गुंतवणूक करणा-या विदेशी गुंतवणूक संस्थांची अधिकतर रक्कम विशेषत: खासगी बँकांमध्ये शेअरच्या रूपात असते. निफ्टी५० मध्ये याकरिता एचडीएफसी बँक, आयसीआयसीआय बँक यांचा क्रम वरचा राहतो. मात्र याच बड्या वर्गातील गुंतवणूकदारांकडून गेल्या काही दिवसांमध्ये सातत्याने बँक शेअरमधील गुंतवणूक काढून घेतली जात आहे. चालू महिन्यातही त्यांनी हाच कित्ता गिरवल्यास त्याचा विपरित परिणाम प्रमुख निर्देशांकांसह क्षेत्रीय – बँक निर्देशांकावर होण्याची भीती व्यक्त केली जात आहे. मात्र तसे न झाल्यास सध्या ३६,४०० च्या आसपास असलेला बँक निफ्टी ३८,००० पर्यंत मजल मारू शकतो.
बुधवार सत्रअखेर निफ्टी५० मधील बँक शेअरचा प्रवास :
| शेअर |
बंद भाव |
वाढ (टक्क्यांमध्ये) |
| इंडसइंड बँक |
९३३.६५ |
५.७ |
| अॅक्सिस बँक |
६७९.६० |
३.६ |
| एसबीआय |
४७५.३० |
३.३ |
| आयसीआयसीआय बँक |
७२७.०५ |
१.७ |
| एचडीएफसी बँक |
१,५०६.४० |
०.८ |
