नवी दिल्लीः 'Omicron' कदाचित आधीच भारतात आहे आणि त्याचा शोध लागण्यासाठी कदाचित वेळ लागेल, असे मोठे विधान आयसीएमआरचे () तज्ज्ञ यांनी केले आहे. दक्षिण आफ्रिकेत करोनाचा नवीन वेरियंट ''चा पहिला रुग्ण गेल्या महिन्यात ९ नोव्हेंबरला आढळला होता. आणि तेव्हापासून दक्षिण आफ्रिकेतून बरेच प्रवासी भारतात आले आहेत. या प्रवाशांमध्येही काही लक्षणे आढळून आली आहेत, असे सूचक वक्तव्य डॉ. समीरण पांडा यांनी केले आहे. भारतात 'ओमिक्रॉन'चा वेरियंट आढळून आल्यास आपल्याला आश्चर्य वाटणार नाही. या वेरियंटची संसर्गाची उच्च क्षमता पाहता तो समोर येणं ही फक्त काही कालावधीची बाब असेल, असे डॉ. पांडा म्हणाले. SARS-CoV-2 मधील जीनोमिक फरकांवर लक्ष ठेवण्यासाठी सरकारने स्थापन केलेल्या INSACOG प्रयोगशाळांचे नेटवर्क, प्रयोगशाळा, एजन्सीज, पॅन-इंडिया नेटवर्कमुळे भारताने उत्तम प्रकारे तयारी केल्याचा दावा डॉ. पांडा यांनी केला आहे. या नेटवर्कमधील देशभरातील प्रयोगशाळांना कोविड पॉझिटिव्ह रूग्णांचे नमुने पाठवले जातात, ज्याचा अभ्यास ते व्हायरसची अनुवांशिक रचना निश्चित करण्यासाठी करतात. व्हायरसचे विविध प्रकार ओळखण्यात हे मदत करते. संसर्गास कारणीभूत असलेले व्हायरसचे प्रकार ओळखण्यात पटाईत आहेत, असे ते म्हणाले. आपण हे लक्षात ठेवले पाहिजे की लसीकरणामुळे संसर्ग होत नाही, असे नाही. एखाद्याने लसीचे दोन्ही डोसे घेतले असले तरीही, संसर्ग होऊ शकतो. कोविड योग्य वर्तन न पाळल्यास, एखाद्याला नेहमीच संसर्ग होऊ शकतो. मास्क, हाताची स्वच्छता आणि मोठ्या प्रमाणात एकत्र येणे टाळणे हे संसर्ग रोखण्यास मदत करू शकते, असे त्यांनी सांगितले. व्हायरसच्या या वेरियंटविरुद्ध फक्त लसच मदत करू शकत नाहीत, हे समजून घेण्याची गरज व्यक्त आहे. लस फक्त गंभीर रोग टाळण्यास मदत करू शकते, हे त्यांनी पुन्हा एकदा स्पष्ट केले आणि याकडे लक्ष वेधले. लसीने हॉस्पिटलमध्ये दाखल होण्याचं प्रमाण कमी होते आणि मृत्यू पण रोखता येऊ सखतो. पण संसर्ग टाळू शकत नाही. करोनाच्या डेल्टा वेरियंट भारतात मोठा थैमान घातला होता. यामुळे दुसऱ्या लाटेत गंभीर स्थिती निर्माण झाली होती. यामुळे मोठ्या संख्येने रुग्ण आढळून आल्यास आरोग्याच्या पायाभूत सुविधांवर परिणाम करू शकतात आणि रुग्ण गंभीर नसले तरीही त्यामुळे रोग आणि मृत्यूचे प्रमाण वाढू शकते, असे ते म्हणाले. बूस्टर डोसची गरज आहे का? सार्वजनिक आरोग्यात प्राधान्याने लसीकरणात शक्य तितक्या नागरिकांना दोन डोस देणे आवश्यक आहे. बूस्टर डोससाठी पात्र असलेल्यांना ते मिळणे आवश्यक आहे. पण बूस्टर डोसमुळे संपूर्ण लोकसंख्येला लसीकरणाच्या प्राधान्यापासून लक्ष विचलित करू नये, असे डॉ. समीरण पांडा यांनी सांगितले.
