नवी दिल्ली: देशाच्या लोकसंख्येचा वेग कमालीचा घटला असून भारतातील सर्व धर्मीयांच्या प्रजनन दरात पूर्वीच्या तुलनेत घट झाली असल्याचे राष्ट्रीय कुटुंब आरोग्य सर्वेक्षणाच्या () ताज्या अहवालात स्पष्ट झाले आहे. विशेष म्हणजे ज्या धार्मिक समुहांमध्ये प्रजनन दर वेगवान होता, त्यांच्या प्रजनन दरातही कमालीची घट झाली आहे. या अहवालानुसार, मुस्लीम धर्मियांमध्ये सन २०१५-१६ अहवालात असलेल्या प्रजननदराच्या तुलनेत सन २०१९-२१ च्या अहवालातील दर ९.९ टक्क्यांनी घटला आहे. (the countrys has declined with a sharp decline in the total fertility rate among muslims) एनएफएचएसचा पहिला अहवाल १९९२-९३ मध्ये प्रकाशित झाला. पहिल्या अहवालाची तुलना केल्यास देशाच्या एकूण प्रजनन दरात (TFR) ३.४ ते २.० टक्के अशी एकूण ४० टक्के इतकी घट झाली असल्याची नोंद झाली आहे. विशेष म्हणजे आता हा दर देशाच्या लोकसंख्या स्थिर राहील इतक्या पातळीवर येऊन ठेपला आहे. क्लिक करा आणि वाचा- या अहवालानुसार देशातील मुस्लिम वगळता इतर सर्व धार्मिक समुहांचा प्रजननदर हा कमालीचा घटला आहे. मुस्लिम धर्मियांचा प्रजनन दर इतर धर्मियांच्या तुलनेत काहीसा अधिक दिसत असला, तरी देखील मुस्लिम धर्मियाच्या प्रजननदराच्या गतीशी तुलना करता कमालीचा घटला असल्याचे या अहलात स्पष्ट झाले आहे. आतापर्यंत झालेल्या सर्वेक्षणांमध्ये मुस्लिम धर्मियांच्या एकूण प्रजननदरात ४६.५ टक्के, तर हिंदू धर्मियांमध्ये ४१.२ टक्के आणि ख्रिश्चन धर्मियांमध्ये ३४.५ टक्के, शिख धर्मियांमध्ये ३३.७ टक्के घट झाली आहे. क्लिक करा आणि वाचा- या अहवालानुसार, देशातील प्रजननदराची गती २.२ टक्क्यांवरून घटून ती २ टक्क्यावर आली आहे. या सर्वेक्षणात देशातील २८ राज्ये आणि ८ केंद्र शासित प्रदेशांमधील एकूण ७०७ जिल्ह्यांमधून सुमारे ६.३७ लाख नमुने घेण्यात आले. या अहवालानुसार, गर्भनिरोधकाचा वापर करणे हे महिलांचे काम असून त्याबाबत पुरुषांनी विचार करण्याची आवश्यकता नाही, असे चंदीगडमधील ६९ टक्के पुरुषांचे मत आहे. तर केरळमधील ४४.१ टक्के पुरुषांच्या मते गर्भनिरोधकाचा उपयोग करणाऱ्या महिला स्वच्छंदी असू शकतात. जर निरोधाचा वापर योग्य प्रकारे करण्यात आला, तर मोठ्या प्रमाणावर गर्भधारणा रोखता येऊ शकतात असे ५५.२ टक्के पुरुषांचे म्हणणे आहे. क्लिक करा आणि वाचा-
