ठाणे : ठाण्याचे माजी महापौर आणि शिवसेनेचे ठाणे जिल्हाप्रमुख यांनी आपल्या जिल्हाप्रमुखपदाचा राजीनामा दिला आहे. महाविकास आघाडीसोबत राज्यात सत्ता स्थापन केल्यानंतर गेली अडीच वर्षे शिवसेनेची 'राष्ट्रवादी' गळचेपी चालली असून त्याचा निषेध म्हणून आपण जिल्हाप्रमुखपदाचा राजीनामा देत असल्याचे नरेश म्हस्के यांनी म्हटले आहे. ( as shiv senas thane district chief) माजी महापौर नरेश म्हस्के यांनी शिवसेनेचे पक्षप्रमुख, मुख्यमंत्री उद्धव ठाकरे यांना आपला राजीनामा सादर केला आहे. ते आपल्या राजीनामापत्रात म्हणतात, ' भगवे आमचे रक्त तळपते, तप्त हिंदवी बाणा... जात, गोत्र अन धर्म अमुचा शिवसेना, शिवसेना, शिवसेना...! त्यामुळे शिवसैनिक होतो, आहे आणि राहणारच... पण गेली अडीच वर्षे आपल्या संघटनेची 'राष्ट्रवादी' गळचेपी चालली आहे. त्याचा निषेध म्हणून आपण जिल्हाप्रमुखपदाचा राजीनामा देत आहोत.' क्लिक करा आणि वाचा- एकनाथ शिंदे यांनी कोणावरही अन्याय होऊ दिला नाही- नरेश म्हस्के एकीकडे शिवसेनेच्या आमदारांवर सरकारमध्ये असताना अन्याय होत होता, मात्र ठाणे जिल्ह्याचे पालकमंत्री एकनाथ शिंदे यांनी कोणावरही अन्याय होऊ दिला नाही, असे नरेश म्हस्के यांनी म्हटले आहे. पालकमंत्री एकनाथ शिंदे यांनी जिल्ह्याच्या विकासासाठी निधी वितरीत केला. त्यांनी नेहमीच पक्षाच्या विकासाचाच विचार केला. म्हणूनच त्यांनी जे केले ते योग्यच होते, असेही ते म्हणाले. क्लिक करा आणि वाचा- आम्ही आजही शिवसैनिक आहोत. आम्ही शिवसेनेतच आहोत. ठाणे महानगरपालिकेतील सर्व ६७ माजी नगरसेवक पालकमंत्री एकनाथ शिंदे यांच्या सोबतच आहेत, असे म्हस्के म्हणाले. धर्मवीर आनंद दिघे यांच्यानंतर एकनाथ शिंदे यांनीच ठाणे जिल्ह्याचे नेतृत्व केले आणि म्हणूनच आम्ही एकनाथ शिंदे यांच्या सोबत आहोत, असेही ते पुढे म्हणाले. क्लिक करा आणि वाचा- नरेश म्हस्के यांना शिवसेनेच्या ठाणे जिल्हाप्रमुखपदाचा दिला राजीनामा
