: तालुक्यातील नटवाडे येथील विवाहित महिलेची हत्या अनैतिक संबंध असल्याने पतीनेच केल्याची धक्कादायक माहिती शिरपूर पोलिसांनी दिली आहे. निर्मला सुनील पावरा ही विवाहिता गेल्या १८ दिवसांपासून बेपत्ता होती. त्यानंतर तिचा अर्धवट जळालेल्या अवस्थेतील मृतदेह काल सापडला. निर्मला हीचा पती सुनील पावरा हाच तिचा मारेकरी असल्याचा शोध लावण्यात शिरपूर पोलिसांना यश आले. (the husband murdered his wife on ) शिरपूर तालुक्यातील नटवाडे येथील निर्मला सुनील पावरा ही विवाहिता पतीसह वीटभट्टीच्या कामावर जात होती. तिला दोन मुली, एक मुलगा आहे. पण चुलत सासऱ्यासोबत पत्नीचे अनैतिक संबंध असल्याचा संशय पतीसह सासरच्या मंडळींना होता. त्यातून काही दिवसांपासून कुटुंबात वाद सुरू होते. त्यानंतर १३ मे रोजी रात्री २ वाजता निर्मला घर सोडून निघून गेली. पत्नी निर्मला बेपत्ता झाल्याची तक्रार पती सुनील रुलसिंग पावरा याने शिरपूर पोलिसांत दिली होती. या दरम्यान सुनील पावराने जवळच्या नातलगांजवळ पत्नी सापडल्यावर तिला संपवून टाकेन, अशी भावना व्यक्त केली होती. याविषयीची माहिती देखील शिरपूर पोलिसांना प्राप्त झाली होती. क्लिक करा आणि वाचा- दि. ३० मे रोजी पत्नी निर्मला हिला कन्नड येथून नटवाडे गावात आणल्या नंतर सुनीलने तिचा दगडाने ठेचून खून केला. शिरपूर तालुक्यातील करवंद नटवाडे शिवारात झिराई नाल्याजवळ रस्त्याच्या कडेला 30 वर्षीय महिलेचा मंगळवारी सकाळी अर्धवट जळत असलेला स्थितीत मृतदेह आढळून आला होता. गावाच्या पोलीस पाटलाने पोलिसांना ही माहिती दिली. यानंतर पुरावे नष्ट करण्यासाठी तिच्या अंगावर ज्वलनशील पदार्थ टाकून तिला जाळण्याचा प्रयत्न करण्यात आल्याचे पोलिसांच्या निदर्शनास आले. क्लिक करा आणि वाचा- निर्मला सुनील पावरा हीचे आपल्या चुलत काका सोबतच अनैतिक संबंध असल्याचा राग मनात धरून पती सुनील ही हत्या केली. या प्रकरणात पती सुनील पावरा याच्यावर शिरपूर पोलीसात खुनाचा गुन्हा दाखल करण्यात आला. दि ३१ मे रोजी सकाळी घटनास्थळी रक्ताने माखलेले तीन दगड आढळून आले आहे, याबाबत नटवाडे येथील पोलीस पाटील प्रकाश मालसिंग पावरा यांनी शिरपूर शहर पोलीस ठाण्यात खबर दिल्याने घटनास्थळी उपविभागीय पोलीस अधिकारी अनिल माने, शहर पोलीस ठाण्याचे पोलीस निरीक्षक रविंद देशमुख यांनी घटनास्थळी जाऊन पाहणी केली. क्लिक करा आणि वाचा- यानंतर पोलिसांनी तपासाची चक्रे वेगाने फिरून पती सुनील पावरा ह्याला पोलिसी खाक्या दाखवल्या नंतर त्यांनी खून केल्याची कबुली दिली. पोलिसांनी त्याच्या विरोधात खुनाचा गुन्हा दाखल करून पुढील तपास करीत असल्याची माहिती दिली.
