सांगली : 'जे गेले त्यांना श्रद्धांजली', अशा शब्दात शिवसेना नेते व माजी मंत्री (Divakar Rawate) यांनी मुख्यमंत्री शिंदे () समर्थकांना फटकारले आहे. तसेच जे बंडखोर गेले ते शिवसेनेचे कधी नव्हते, भाजप बंडखोरांना जवळ करून सेना संपवण्याचे काम करीत आहे, ही बाळासाहेब ठाकरे (Balasaheb Thackeray) यांची शिवसेना आहे. ती कधीही संपणार नाही, असे ठामपणे सांगतानाच जे गेलेत त्यांना आगामी निवडणुकीत संपवायचे आहे, असे आवाहनही रावते यांनी बोलताना केले आहे. ते सांगलीत शिवसेना पदाधिकारी आणि कार्यकर्त्यांच्या बैठकीत बोलत होते. (diwakar rawate criticized the supporters of eknath shinde) शिवसेनेमध्ये पडलेल्या फुटीनंतर आता उद्धव ठाकरे व शिवसेना नेत्यांच्याकडून जिल्हा निहाय शिवसैनिकांच्या बैठका घेण्यात येत आहेत. सांगलीमध्ये ही शिवसेनेचे नेते व माजी मंत्री दिवाकर रावते आणि शिवसेना उपनेते नितीन बानगुडे-पाटील यांच्या उपस्थितीमध्ये जिल्ह्यातल्या शिवसेना पदाधिकारी कार्यकर्त्यांची बैठक पार पडली. यावेळी जिल्हा प्रमुखांसह पदाधिकारी व शिवसैनिक मोठ्या संख्येने उपस्थित होते. क्लिक करा आणि वाचा- यावेळी शिवसैनिकांना मार्गदर्शन करताना रावते म्हणाले, शिवसेना कार्यकर्त्यांनी कोणत्याही पदाची अपेक्षा न करता शिवसेनेचे एकनिष्ठपणे काम करावे आणि पक्षप्रमुख उद्धव ठाकरे यांच्या पाठीशी उभे राहावे. त्यावेळी तुम्हाला केलेल्या कामाच्या स्वरूपात नक्कीच कोणते ना कोणते तरी पद मिळेल. महाराष्ट्राच्या कानाकोपऱ्यातून मला फोन येत आहेत की,आम्ही उद्धवसाहेब यांच्या पाठीशी आहोत. क्लिक करा आणि वाचा- त्यांना श्रद्धांजली वाहून काम सुरू करू या- रावते रावते पुढे म्हणाले, गेलेली माणसे परत येत नाही त्यामुळे त्यांचा शोक व्यक्त करत बसण्यापेक्षा किंवा ते परत येतील म्हणत बसण्यापेक्षा त्यांना श्रद्धांजली वाहून आणि आपले काम गतीने सुरू करू. पूर्वी पेक्षा जास्त ताकदीने पक्ष उभा राहील. ज्याला आमदार व्हायचे त्यांनी आतापासून कामाला लागा. शिवसेनेकडूनच शिवसेना पाडायची हा डाव आहे. त्यांना पाहिजे ते घडवून आणण्याचे काम करीत आहेत. आता जास्तीत जास्त सभासद करा. या लढाईत आपल्याला शिवसैनिक म्हणून काम करायचे आहे .वर काय चालले या पेक्षा आपल्या जिल्ह्यात सामान्यांपर्यत जाऊन विचार सांगा. जे बाहेर गेले त्यांची जिवंतपणी आत्महत्या झाली आहे, असे वाटायला पाहिजे. एकी करा, पक्ष बळकट करा,असे आवाहन ही रावते यांनी यावेळी केले. क्लिक करा आणि वाचा-
