म.टा. प्रतिनिधी, नागपूर जिल्हा मध्यवर्ती सहकारी बँकेत झालेल्या १५० कोटी रुपयांच्या घोटाळ्याप्रकरणी आरोपींकडून वसुली केली जावी यासाठी (former judge jn patel) अॅक्शनमोडमध्ये आलेत. वसुलीसंबंधी चौकशीच्या संदर्भात पटेल सभा घेणार असून सर्व प्रतिवादींनी (आरोपींनी) तेथे उपस्थित राहणे अपेक्षित आहे. त्यांना त्यांच्या वकिलांमार्फत पत्र पाठविण्यात आले आहे. (Sunil Kedar) हे या खटल्यातील मुख्य आरोपींपैकी एक आहेत, हे विशेष. ( to hold meeting on ) बँकेच्या रकमेतून २००१-०२ मध्ये होम ट्रेड लिमिटेड मुंबई, इंद्रमणी मर्चंट्स प्रा.लि. आणि अन्य काही कंपन्यांकडून सरकारी प्रतिभूती खरेदी करण्यात आल्या होत्या. यात झालेल्या घोटाळ्यात चार राज्यांमध्ये एकूण १९ ठिकाणी गुन्हे दाखल झाले. या प्रकरणाचा खटला बरीच वर्षे रखडलेला आहे. तसेच या प्रकरणातील आरोपींकडून अद्याप वसुली करून पीडितांना देण्यात आलेली नाही, या आशयाची याचिका ओमप्रकाश कामडी आणि अन्य काहींनी केली आहे. त्यावर आज न्यायमूर्तीद्वय सुनील शुक्रे आणि गोविंद सानप यांच्यासमक्ष सुनावणी झाली. क्लिक करा आणि वाचा- या घोटाळ्यातील आरोपींची जबाबदारी निश्चित करून त्याच्याकडून घोटाळ्याची रक्कम वसूल करण्यात यावी, अशी मागणी या याचिकेद्वारे करण्यात आली आहे. यावर या वसुली संदर्भात राज्याच्या सहकार खात्याकडून एक सदस्यीय चौकशी समिती नेमण्यात आली होती. आत्तापर्यंत माजी प्रधान जिल्हा न्यायाधीश एस. डी. मोहोड यांच्याकडे या चौकशीची जबाबदारी होती. मात्र, आपली प्रकृती व्यवस्थित नसल्याने आपल्याला या जबाबदारीतून मुक्त करण्यात यावे, अशी मोहोड यांची विनंती अलीकडेच राज्य सरकारने मान्य केली आहे. क्लिक करा आणि वाचा- तसेच मोहोड यांच्या जागेवर पटेल यांची नियुक्ती करण्यात आली. नियुक्ती होताच पटेलसुद्धा अॅक्शनमोडमध्ये आलेत. महाराष्ट्र सहकारी संस्था अधिनियम १९६०च्या कलम ८८नुसार, एनडीसीसी बँकेच्या चौकशीसंदर्भात पूर्वतयारी सभा घेतली जात आहे. २५ जुलै रोजी रविभवन परिसरात ही सभा होईल. यावेळी या प्रकरणातील सर्व प्रतिवादींनी (आरोपी) उपस्थित राहणे अपेक्षित आहे. त्यांच्या वकिलांमार्फत त्यांना पत्र पाठविण्यात आले आहे. माजी मंत्री केदार यांना त्यांचे वकील वरिष्ठ अधिवक्ता सुबोध धर्माधिकारी आणि देवेंद्र चौहान यांच्यामार्फत हे पत्र पाठविण्यात आले आहे. क्लिक करा आणि वाचा- सर्वोच्च न्यायालयात सुनावणी गेल्या वर्षी सर्वोच्च न्यायालयाने या खटल्याची सुनावणी थांबविण्याचे आदेश दिले होते. मात्र, अलीकडेच झालेल्या सुनावणी दरम्यान, या खटल्यातील युक्तिवादाची शिल्लक असलेली प्रक्रिया पूर्ण करावी परंतु, निकाल सुनावला जाऊ नये, असे आदेश सर्वोच्च न्यायालयाने दिले होते. त्यानुसार, या खटल्याची सुनावणी आता अंतिम टप्प्यात आली आहे. या प्रकरणी केदारांचाही युक्तिवाद पूर्ण झाला आहे. सर्वोच्च न्यायालयातील याचिकेवर शुक्रवारी सुनावणी होणे अपेक्षित आहे.
