नवी दिल्ली : ब्रिटनच्या राजकीय आणि आर्थिक क्षेत्रात उलथापालथ सुरु आहे. ब्रिटनच्या गृहमंत्री सुएला ब्रेवरमॅन यांनी राजीनामा दिला आहे. सरकारी नियमांचं उल्लंघन केल्याप्रकरणी ब्रेवरमॅन यांनी राजीनामा देत असल्याचं म्हटंल आहे. लिझ ट्रस यांच्या मंत्रिमंडळातील दुसऱ्या मंत्र्यावर राजीनामा देण्याची वेळ आली आहे. गेल्या आठवड्यात अर्थमंत्री क्वासी कार्टेग यांना मंत्रिमंडळातून काढण्यात आलं होतं. ब्रिटनच्या गृहमंत्री सुएला ब्रेवरमॅन यांनी राजीनामा ट्विट केली आहे. ब्रेवरमॅन यांनी विश्वसनीय संसदीय सहकाऱ्यांना पाठवलेल्या इमेलमध्ये नियमांचं उल्लंघन झाल्याचं म्हटलं. प्रवासावेळी एक लेखी मंत्रीस्तरीय वक्तव्य प्रकाशनासाठी पाठवलं होतं. लिझ ट्रस यांना पाठवलेल्या पत्रात काही खासदारांबद्दल काही वक्तव्य करण्यात आली होती. मात्र, ब्रेवरमॅन यांनी पद सोडणं आवश्यक असल्याचं म्हंटल. सुएला यांनी राजीनाम्यात चूक समजली असल्याचं म्हणत अधिकृत ठिकाणी राजीनाम्याची माहिती दिली आहे. माझी चूक झाली आहे, मी ते स्वीकारत असून राजीनामा देते, असं सुएला ब्रेवरमॅन म्हणाल्या. ब्रेवरमॅन यांनी पंतप्रधान लिझ ट्रस देशाची आर्थिक स्थिती सुधारण्यासाठी खूप मेहनत करत असल्याचं म्हटलं. यामुळंच त्यांनी कर कपातीचा निर्णय मागं घेतला होता,असं ब्रेवरमॅन म्हणाल्या. आम्ही केवळ मतादरांना दिलेलं आश्वासन तोडलं होतं. मात्र, सरकार जाहीरनाम्यात दिलेली आश्वासन पाळण्यासाठी कटीबद्ध आहे. ब्रिटनमध्ये येणाऱ्या प्रवासी नागरिकांची संख्या कमी करण्याचं आणि अवैध प्रवासी नागरिकांना रोखण्यासंदर्भात ब्रेवरमॅन यांनी वक्तव्य केलं होतं. भारतासोबत झालेल्या एका व्यापार करारामुळं ब्रिटनमध्ये प्रवासी नागरिकांची संख्या वाढू शकते असं ब्रेवरमॅन म्हणाल्या होत्या. भारत ब्रिटन व्यापारी करार होत असताना ब्रेवरमॅन यांचं वक्तव्य समोर आलं होतं.
